Worldlink ads

ज्येष्ठ नागरिक भवन बनाउन लाहाचोकमा मेला

आदर्श समाज सम्वाददाता
माघ १६, २०७४

हेमजा, १५ माघ। ज्येष्ठ नागरिक बहुउद्देश्यीय भवन निर्माण गर्ने मूल उद्देश्यका साथ माछापुच्छे्र गाउँपालिका-४, लाहाचोकमा शिवरात्री मेला हुने भएको छ।

‘पहिचान माछापुच्छे्र गाउँपालिकाको, जगेर्ना धर्म, संस्कृति र पर्यटनको’ भन्ने मूल नाराका साथ बानेटाकुर धार्मिक क्षेत्र संरक्षण समितिले माघ २२ देखि फागुन २ गतेसम्म मेला गर्ने भएको हो। आयोजकले सोमबार मेलास्थलमै पत्रकार सम्मेलन गरी यसबारे जानकारी दिएको छ।

ज्येष्ठ नागरिक बहुउद्देश्यीय भवन निर्माण गर्ने, सांस्कृतिक तथा धार्मिकस्थल जगेर्ना गर्ने, सांस्कृतिक र धार्मिक पर्यटनको विकास साथै व्यावसायिकता पछ्याउने, बाटोघाटो र सार्वजनिक सम्पत्तिको संरक्षण एवं सरसफाइमा केन्द्रित हुने तथा वातावरणीय एवं पर्यावरणीय शुद्घताका लागि जनचेतना प्लाष्टिक प्रगोगमा कमी ल्याई प्लाष्टिकजन्य फोहर व्यवस्थापन गर्ने उद्देश्यका साथ मेला गर्न लागिएको मेलाका संयोजक पानबहादुर जिसीले जानकारी दिए। मेलामा खुला भलिबल, गाउँपालिकास्तरीय नौमती बाजा, भजन चुड्का, रत्यौली, लोकदोहोरी, लोपोन्मुख भदौरे भाखा -हुरी गीत), नौमति बाजामा नृत्य लगायत प्रतियोगिता हुने छ । यस्तै, हास्य तथा विभिन्न कलाकारका प्रस्तुति समेत हुने कार्यक्रममा विविध सांस्कृतिक तथा पुरातात्विक स्थल अवलोकन गराइने आयोजकले जनाएको छ।  गाउँपालिकाका प्राकृतिक एवं धार्मिकस्थल हेलिकोप्टरमार्फत दृश्यावलोकन, सामूहिक ब्रतबन्ध, लाखबत्ती र ठाडोबत्ती बाल्ने व्यवस्था साथै पाती खोला गुफा तथा २२ धाराको अवलोकन गराइने छ।उक्त मेलाको प्रायोजक सन्तती नाथु प्रल्हादको परिवार (देवानसिंह), सहप्रायोजकमा दावाङछु/ नन्दा शेर्पाको परिवार र तुलप्रसाद भण्डारीको परिवार, उपप्रायोजकमा मर्दीखोला कृष सुनचाँदी पसल, भूपेन्द्र/शान्ता कुँवरको परिवार, अर्जुन/मनोज शाही, डा अब्दुल रहमन वानो मुर्म्बई, लाहाचोक (माछापुच्छे्र) काठमाडौं समाज, लाहाचोक कोरिया सर्म्पर्क समाज र मीनराज गुरुङ (राजु) स्मृति कप अन्तरवडास्तरीय भलिबल प्रतियोगिताको प्रायोजक क्या बजिरमान गुरुङको परिवारले गरेका छन्।

मेलाको ७० हजार दर्शकले अवलोकन गर्ने आयोजकको विश्वास छ। पोखरा हरिचोकबाट उक्त मेलास्थल पुग्न बस व्यवस्था गरिएको छ। तयारीका लागि विभिन्न २६ उपसमिति पनि गठन भइसकेको छ। धार्मिक क्षेत्र संरक्षण समितिका संयोजक केशवराज अधिकारीको अध्यक्षतामा सम्पन्न उक्त कार्यक्रमको सञ्चालन सचिवालय व्यवस्थापन उपसमितिका संयोजक चेतराम अधिकारीले गरेका थिए।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads