पोखरा । नेपाली कांग्रेसका नेता देवदत्त कोइरालाको निधन भएको छ । उनको ७७ वर्षको उमेरमा शुक्रबार बिहान निधन भएको हो ।
लामो समयदेखि बिरामी उनको पोखरासहित विभिन्न अस्पतालमा उपचार हुँदै आएकोमा गत ६ वैशाखदेखि पोखरा ५, मालेपाटनस्थित आफ्नै घरमा आराम गरिरहेका थिए ।
नेपाल प्रजातन्त्र सेनानी, संघ कास्कीका सचिव उनको जन्म २००४ मंसिर ४ मा धनन्जय कोइराला र बसन्धरा कोइरालाको पाँचौं सन्तानमध्ये चौंथो सुपुत्रका रुपमा भएको हो । उनी राजनीतिक र सामाजिक व्यक्तित्व थिए । उनले पार्टीका विभिन्न तहमा रही नेपाली कांग्रेसको संगठन निर्माणमा अग्रणी भूमिका निर्वाह गरेका थिए । उनका श्रीमती, १ छोरा र ५ छोरी छन् । उनको शुक्रबार सेती नदी तुल्सीघाटमा अन्त्येष्टि भयो । पार्थीव शरीरमा कांग्रेस पूर्व महामन्त्री एवं पूर्व सभापति तारानाथ रानाभाटले पार्टीको झण्डा ओढाइ अन्तिम श्रद्धाञ्जली दिए ।
यसैबीच, कांग्रेस कास्कीले शोक विज्ञप्ति जारी गरी उनको निधनप्रति दुख व्यक्त गरेको छ । पार्टीका जिल्ला सभापति किशोरदत्त बरालद्वारा हस्ताक्षरित विज्ञप्तिमा भनिएको छ, ‘सिद्धान्तप्रति निष्ठावान् कर्मशील निडर र प्रष्टवादी नेता देवदत्त कोइरालाको निधनले कांग्रेस कास्कीको संगठनमा गम्भीर क्षति पुगेको छ । उहाँको निधनप्रति गहिरो दुख व्यक्त गर्दछौं ।’
प्रजातन्त्र प्राप्तिको आन्दोलनमा सहभागी हुँदा उनी पटक–पटक जेलजीवन, प्रहरी हिरासत र राजनीतिक बन्दी बनेका थिए । २०१९ सालदेखि वाराही माविमा प्रजातान्त्रिक विद्यार्र्थी संघका सभापति भै आफ्नो राजनीतिक यात्रा प्रारम्भ गरेका उनी नारायणसिंह काण्डमा विद्यार्थी आन्दोलनको अगुवाइ गरेका थिए । कोइरालाले जीवनभर निष्ठा, त्याग र बलिदानको अनुशरण गरेको नजिकबाट चिन्नेहरु स्मरण गर्छन् ।
Related News
सम्बन्धित समाचार
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
hero news full width
मुख्य समाचार
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१