स्याङ्जा । नेकपा एमाले स्याङ्जाले शुक्रबारदेखि नवौं जिल्ला अधिवेशनको तयारी पूरा भएको जनाएको छ । २ दिनसम्म चल्ने अधिवेशनको उद्घाटन पार्टी अध्यक्ष एवं पूर्व प्रधानमन्त्री केपी शर्मा ओलीले गर्ने भएका छन् ।
एमाले अधिवेशन प्रचारप्रसार समितिले बिहीबार पुतलीबजारमा आयोजित पत्रकार सम्मेलत तथा अन्तत्र्रिmयामा अधिवेशन तयारी पूरा भएको जनाएको हो ।
एमाले पोलिटब्यूरो सदस्य एवं स्याङ्जा जिल्ला इन्चार्ज टुकराज सिग्देलले स्याङ्जामा गुटगत प्रतिस्पर्धा नहुने बताए । आवधिक निर्वाचनले पार्टी मजबुद र लोकतन्त्रलाई समेत बलियो बनाउने उनको दाबी छ । उनले भने, ‘वर्तमान विसंगति, भ्रष्टाचार र विकृतिको सुधारका लागि एमालेले सामान्य मन्त्रालय लिएर फेरि गठबन्धन गरेको छ ।’ सबै पार्टी उस्तै–उस्तै हुन् भन्ने कुरा चिर्दै एमाले पृथक पार्टी रहेको दाबी गर्दै पार्टीको कार्यशैलीलाई मूल्यांकन र अवलोकन गर्न आग्रह गरे ।
पार्टी जिल्ला अध्यक्ष सूर्यप्रसाद गैह्रे (पारस) ले अधिवेशनले ५ पदाधिकारीसहित १ सय ५ सदस्यीय जिल्ला कमिटी चयन गर्ने जानकारी दिए । क्लस्टर अनुसारको निर्वाचन हुने र युवा १५ प्रतिशत रहेको उनले बताए ।
अधिवेशनमा जिल्लाका ११ पालिकासहित ९७ वडाका ६ सय ९ जना प्रतिनिधि चयन भएका छन् । एकतिहाइ महिला र ११ प्रतिशत उत्पीडित प्रतिनिधि छनोट गरिएको प्रचारप्रसार समिति संयोजक विश्व पौडेलले बताए ।
अधिवेशन गर्न २० लाख खर्च हुने अनुमान आयोजकको छ । संगठित सदस्य, पालिकाका प्रतिनिधि, आयोजक कमिटी, शुभेच्छुक तथा शुभचिन्तकबाट आर्थिक स्रोत जुटाइने भएको छ । अधिवेशन पुतलीबजार–१ स्थित सिटी हलमा हुनेछ ।
अन्तक्र्रियात्मक सो कार्यक्रममा पत्रकार महासंघ स्याङ्जा अध्यक्ष श्रीकृष्ण सिग्देल, निवर्तमान अध्यक्ष ओमप्रकाश शर्मा, प्रेस सेन्टर गण्डकी प्रदेश अध्यक्ष अर्जुन काफ्ले, उपाध्यक्ष भवानी अधिकारी, प्रेस युनियन स्याङ्जाका पूर्व अध्यक्ष प्रदीप कोइराला लगायतले अधिवेशनका बारेमा ज्ञिसासा गरेका थिए ।
कार्यक्रमको सहजीकरण प्रचार प्रसार समिति सदस्य अनन्तकुमार श्रेष्ठले गरेका थिए ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
पहिचान एवं राष्ट्रिय मुद्दा कार्यान्वयनमा ऐक्यबद्धता जनाउन प्रधानमन्त्रीको अपिल
ठूला दलबीच सहकार्य आवश्यक छ : प्रमुख सचेतक लेखक
hero news full width
मुख्य समाचार
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
वैशाख २५, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१