चितवन । भरतपुर महानगरपालिकाले ‘भरतपुर भ्रमण वर्ष २०२४’ को उद्घाटन कार्यक्रमको समिक्षा सार्वजनिक गरेको छ । महानगरले प्रस्तुत गरेको प्रतिवेदन अनुसार उद्घाटन कार्यक्रमको ¥यालीमा करिब ८० हजार जनभन्दा बढी सहभागी भएको बताइएको छ ।
¥यालीमा १ सय ४५ विद्यालय, १ सय ४३ धार्मिक संघ संस्थाहरू, ३ सय ८७ आमा समूहको पहिचानसहित सहभागिता थियो । कार्यक्रममा ६ सय २९ टोल विकास संस्था, ३४ सामुदायिक वन, १ सय ४९ निजी तथा सामुदायिक संघ संस्था, ७६ क्लबसहित विभिन्न जनजाति, भेषभूषामा उपस्थिति रहेको महानगरले जनाएको छ । उद्घाटन कार्यक्रम जस्तै वार्षिकरुपमा सबैको साथ र सहयोगबाट भ्रमण वर्ष पूर्ण रुपमा सफल हुने अपेक्षा लिएको जनाएको छ ।
स्थानीय तहले आयोजना गरेको महाअभियान पालिकाको मात्र नभई सिंगै राष्ट्रको कार्यक्रम हुन पुगेको महानगरले जनाएको छ । अभियानबारे कुनै गम्भीर त्रुटिबारे गुनासो र उजुरी नपरेकाले समग्रमा उद्घाटन कार्यक्रम सफल भएको निष्कर्ष महानगरको छ ।
उद्घाटन कार्यक्रमको तयारी, प्रचारप्रसार एवं व्यवस्थापनमा करिब १ करोड खर्च भएको जनाएको छ । भरतपुर महानगरपालिका प्रमुख रेनु दाहालले स्थानीय तहले पर्यटनसम्बन्धी गरेको यो नै पहिलो र ऐतिहासिक कार्यक्रम बन्न पुगेको बताइन् ।
कार्यक्रममा भरतपुर महानगरपालिकाका उपप्रमुख चित्रसेन अधिकारी, नेपाली कांग्रेसका सचिव ध्रुुवराज मिश्र, नेकपा एमाले सचिव प्रकाश ढुंगाना, नेकपा माओवादी केन्द्रका संयोजक आरसी अधिकारी, समाजवादीमा उपाध्यक्ष कृष्णराज न्यौपानेलगायतले मन्तव्य राखे ।
भ्रमण वर्षको उद्घाटन कार्यक्रममा उत्कृष्ट ¥यालीमा व्यापक सहभागिता जनाउन प्रोत्साहनस्वरूप प्रथम हुने वडालाई १ लाख, द्वितीय हुने वडालाई ७५ हजार र तृतीय हुने वडालाई ५० हजार बराबरको कार्यक्रम तथा जिन्सी समान उपलब्ध गराउने घोषणाअनुसार पुरस्कार प्रदान गरिएको छ । वडा नं २८ प्रथम, वडा नं. ३ द्वितीय र वडा नं. १० तृतीय भएका थिए । ¥यालीमा उत्कृष्ट झाँकी, भेषभूषा, जातजातिको झाँकी प्रदर्शन गर्ने समूहलाई पनि नगदसहित पुरस्कार प्रदान गरिएको छ ।
Related News
सम्बन्धित समाचार
बाख्रा र हाँसको चल्ला वितरण
चितवनबाटै लागुऔषध निस्तेज पार्ने महाअभियान सुरु, ७ वटै पालिकामा फरक रणनीति
बागमती प्रदेशमा मन्त्रिपरिषद् विस्तार, एकीकृत समाजवादीकी रमा आलेले लिइन शपथ
बागमती प्रदेशमा राप्रपा सरकारबाट बाहिरियो
वागमती कांग्रेस संसदीय दलमा बहादुर लामा विजयी
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१