पोखरा । लायन्स क्लब अफ पोखरा आदर्श चौतारीले मंगलबार मानव सेवा आश्रम हेमजामा खाद्यान्न सामग्री सहयोग गरेको छ ।

त्यहाँ आश्रित १ सय २६ जनाको लागि करिब ३२ हजार रुपैयाँ बराबरको दैनिक आवश्यक खाद्यान्न वितरण गरिएको कार्यक्रम संयोजक दीपककुमार गुरुङले बताए ।

डिस्ट्रिक्ट ३२५ आइका प्रथम भाइस गभर्नर विनोद ढुंगानाले कार्यक्रमको उद्घाटन गर्दै मानवीय सेवामा लायन्सको सहयोग उदाहरणीय रहेको बताए।

क्लब अध्यक्ष दामोदर आचार्यको अध्यक्षतामा भएको कार्यक्रममा पूर्व अध्यक्ष वसन्तराज कोइराला, मानव सेवा आश्रम जिल्ला संयोजक सदिस पुन लगायतले शुभकामना मन्तव्य व्यक्त गरेका थिए ।

कार्यक्रममा स्वागत प्रथम उपाध्यक्ष सूर्य पोख्रेल र सञ्चालन सचिव दीपकप्रसाद घिमिरेले गरेका थिए ।