पोखरा । स्वतन्त्र पत्रकार संघ, कास्की अध्यक्षमा कृष्ण रानाभाट निर्वाचित भएका छन् । संघको बिहीबार पोखरामा भएको १२ औं साधारणसभा तथा छैटौं अधिवेशनले उनको अध्यक्षतामा ९ सदस्यीय कार्यसमिति निर्वाचित गरेको हो ।
संघको उपाध्यक्षमा डिल्लीराम काफ्ले, सचिवमा रजनी तामाङ, सहसचिवमा शिशिर पौडेल र कोषाध्यक्षमा राधा ढकाल निर्वाचित भए । सदस्यमा गणेश बज्र लामा, मदनराज जैसी, नवीन केसी र अल्चना श्रेष्ठ निर्वाचित भएको निर्वाचन मण्डल अध्यक्ष शिवप्रसाद गौतमले जानकारी दिए । रिक्त २ सदस्य मनोनीत हुने छन् ।
साधारणसभा उद्घाटन अवसरमा वरिष्ठ अधिवक्ता तिलक पराजुलीले उत्कृष्ट समाज निर्माणका लागि स्वतन्त्र पत्रकारले उल्लेख्य भूमिका खेल्नुपर्ने बताए । देशमा भएका ठूला परिवर्तन पत्रकारिताकै माध्यमबाट सम्भव रहेकाले यसमा डटेर लाग्नुपर्ने उनको भनाइ थियो । भागबन्डे नीतिले विश्वविद्यालयदेखि पत्रकारिता क्षेत्र प्रभावित भएकाले त्यसतर्फ सजग रहन उनको सुझाव थियो ।
स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाले स्वतन्त्र पत्रकारले पदको लोभ गर्न नहुने बताए । कुनै पार्टीको सदस्य भएर काम गरेको खण्डमा स्वतन्त्र पत्रकारबाट सिधैं पदच्यूत हुने उनले बताए । न्यायका लागि लड्ने पत्रकारको हकहित र संरक्षण गर्न संस्था स्थापना गरिएको उनले प्रस्ट पारे ।
कार्यक्रममा नेपाल पत्रकार महासंघ कास्कीका संस्थापक अध्यक्ष तथा स्वतन्त्र पत्रकार संघ नेपालका केन्द्रीय पार्षद उमाकान्त शर्माले पत्रकारिताभन्दा माथि देश र जनता छन् भन्ने भावनामा रहेर पत्रकारिता गर्न सुझाव दिए ।
कार्यक्रममा नेपाल पत्रकार महासंघ कास्की अध्यक्ष बिमला भण्डारी, स्वतन्त्र पत्रकार संघ कास्की अध्यक्ष असफल गौतम, जिल्ला समन्वय अधिकारी नवराज बराल, सम्मानित व्यक्तिहरु सुरेश श्रेष्ठ, रजनी तामाङ लगायतले स्वतन्त्र पत्रकारिताबारे आ–आफ्नो धारणा राखेका थिए ।
सो अवसरमा पत्रकार रजनी तामाङलाई महिला पत्रकार सम्मान र स्वतन्त्र पत्रकार संघ नेपालका केन्द्रीय महासचिव सुरेश श्रेष्ठलाई सम्मान गरिएको थियो ।
Related News
सम्बन्धित समाचार
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१