पोखरा । पोखरा कप विद्यालयस्तरीय क्रिकेट प्रतियोगितामा प्रतिभा माध्यमिक विद्यालय र नेपाल भारतमैत्री विद्यालय विजयी भएका छन् ।
पोखरा रंगशालको क्रिकेट मैदानमा जारी प्रतियोगिताको दोस्रो दिनको खेलमा प्रतिभाले सगरमाथा माध्यमिक विद्यालय र नेपाल भारतमैत्रीले एसओएस हर्मन माइनर विद्यालयलाई पराजित गरेको हो ।
पहिलो खेलमा प्रतिभाले दिएको १४७ रनको लक्ष्य पछ्याएको सगरमाथा निर्धारित २० ओभरमा ७ विकेट गुमाउँदै १२१ रन मात्र बनाउन सफल भयो । सगरमाथाका किर्बिन श्रेष्ठले सर्वाधिक ३७ रन जोडे । प्रतिभाका स्वागत अधिकारीले सर्वाधिक ४ विकेट लिए ।
यसअघि पहिला ब्याटिङ गरेको प्रतिभाले निर्धारित २० ओभरमा ८ विकेट गुमाउँदै १४६ रन बनाएको थियो । प्रतिभाका रोशन पौडेलले सर्वाधिक ४९ रन बनाएका थिए । रोहन ठकुरीले ३६ र कुशल अधिकारीले १९ रनको योगदान दिएका थिए । स्वागत अधिकारी प्लेयर अफ द म्याच चुनिए ।
आजै भएको दोस्रो खेलमा डिएलएस मेथर्डबाट नेपाल भारतमैत्रीले एसओएसलाई ३५ रनले पराजित गरेको हो । एसओएसले दिएको ९४ रनको लक्ष्य पछ्याएको नेपाल भारतमैत्रीले पानी पर्नुअघि ११ ओभर ३ बलमा १ विकेट गुमाएर ८२ रन बनाएको थियो ।
वर्षा नरोकिएपछि नेपाल भारतमैत्री डिएलए मेथर्डबाट ३५ रनले विजयी भएको हो । नेपाल भारतमैत्रीका अंकित ठकुरीले सर्वाधिक ३३ रनको अविजित इनिङ खेलेका थिए । यसअघि एसओएस १८ ओभर ३ बलमा ९३ रनमा समेटिएको थियो । एसओएसका दिक्षीत रेग्मीले १६ र कपिल पौडेलले १५ रन बनाएका थिए । नेपाल भारत मैत्रीका विवेक शाहले ३ र अलोक गुप्ताले २ विकेट लिए । नेपाल भारत मैत्रीका विवेक शाह प्लेयर अफ द म्याच घोषित भए ।
बि–बग इभेन्टको आयोजनामा बुधबारबाट सुरु भएको प्रतियोगिता फागुन १६ गतेसम्म चल्नेछ । प्रतियोगितामा कास्कीका १२ विद्यालयले सहभागिता जनाएका छन् ।
प्रतियोगिताको विजेताले ८० हजार रुपैयाँ बराबरको क्रिकेट किट र उपविजेताले ४० हजार रुपैयाँ बराबरको क्रिकेट किटसहित ट्रफी, मेडल र प्रमाणपत्र प्राप्त गर्नेछन् ।
उत्कृष्ट बलर, ब्याटर तथा खेलाडीलाई पनि किट, ट्रफी तथा मेडल, उत्कृष्ट बलर र ब्याटरले जनही ५ हजार र उत्कृष्ट खेलाडीले ७ हजार ५ सय रुपैयाँ पाउनेछ । प्रतियोगिताले विद्यालय तहबाटै क्रिकेटको विकास गर्न मद्दत पुग्ने आयोजकले विश्वास लिएको छ ।
Related News
सम्बन्धित समाचार
टी–ट्वान्टी छात्रा क्रिकेट प्रतियोगिता शनिबारदेखि
पट्नेरीमा अन्तर्राष्ट्रियस्तरको क्रिकेट रंगशाला बनाउन सिफारिस
प्रतिभाले जित्यो एक्सपर्ट पोखरा कप क्रिकेटको उपाधि
पोखरा कप क्रिकेट : मदरल्यान्ड र कास्की मोर्डनाइज विजयी
पोखरा कप विद्यालयस्तरीय क्रिकेटमा सगरमाथा र अंमरसिंहको जित
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१