पोखरा । पोखरास्थित न्यु ग्यालेक्सी स्कुलमा मंगलबार विज्ञान प्रदर्शनी तथा सम्मान कार्यक्रम सम्पन्न भएको छ । विज्ञान प्रदर्शनीमा विद्यालयको कक्षा ११ र १२ मा विज्ञान संकायमा अध्ययनरत ३७ टिमले प्रतिस्पर्धा गरेका थिए । जसमा भूकम्प प्रतिरोधी घरसम्बन्धी प्रदर्शन गरेकी प्रकृति थापाको समूह प्रथम भएको छ ।
यस्तै, कार्बन उत्सर्जनसम्बन्धी प्रदर्शन गरेकी सुयना हिराचनको समूह द्वितीय र प्लान्ट सेलसम्बन्धी प्रदर्शन गरेकी एलिसा रेग्मीको समूह तृतीय भएको छ ।
गण्डकी विश्वविद्यालयका डिन डा. कपिल अधिकारी र माउन्ट अन्नपूर्ण क्याम्पसका प्रमुख सूर्यबहादुर जिसीले विज्ञान प्रदर्शनी अवलोकन गर्दै नतिजा सार्वजनिक गरेका थिए ।
सोही अवसरमा विभिन्न विश्वविद्यालयमा पूर्ण छात्रवृत्तिमा मेडिकल, इन्जिनियरिङ र भेटेरिनरीमा अध्ययन गरिरहेका विद्यालयका पूर्व विद्यार्थीहरू दीपा आचार्य, प्रभा खत्री, विशाल पराजुली, कुशल आचार्य, हीरामणि घिमिरे, क्रिसल मल्ल, सुशान्त पन्त, मनीषा भट्टराईलाई सम्मान गरिएको थियो ।
कार्यक्रम उद्घाटन गर्दै गण्डकी विश्वविद्यालयका डिन डा. कपिल अधिकारीले किताबमा पढेका र सिकेका कुरालाई व्यवहारमा उतार्न आवश्यक रहेको बताए ।
उनले विज्ञानले चमत्कार गरेको भन्ने तथ्य गलत रहेको जिकिर गर्दै विज्ञान कुनै जादुमय चमत्कार नभएको बताए । उनले भने, ‘जहाँ चमत्कार छ त्यहाँ विज्ञान हुँदैन, जहाँ विज्ञान छ त्यहाँ चमत्कार हुँदैन ।’
उनले भने, ‘विज्ञानको सबैभन्दा ठूलो प्रयोगशाला भान्सा र खेत हो, विज्ञानलाई त्यहाँ प्रयोग गरौं ।’ उनले थपे, ‘तरकारी पकाउँदा जिरा पिसेर राखिन्छ तर मेथी तेलमा डढाइन्छ । किन यसो गरिन्छ ? यसको वैज्ञानिक कारणबारे थाहा हुनुप¥यो ।’
माउन्ट अन्नपूर्ण क्याम्पसका प्रमुख सूर्यबहादुर जिसीले विद्यार्थीको विज्ञान प्रदर्शनी अत्यन्तै उत्कृष्ट भएको भन्दै यस्ता कार्य निरन्तर गर्न आग्रह गरे ।
विद्यालयका प्राचार्य डा. रामजी शर्माले विद्यार्थी र विज्ञान संकायका शिक्षकहरूको एक महिनादेखिको अथक मेहनतबाट विज्ञान प्रदर्शनी गर्न सकिएको बताए । विज्ञान प्रदर्शनीबाट विद्यार्थीले महŒवपूर्ण शिक्षा आर्जन गरेको उनले दाबी गरे ।
विद्यालयका निर्देशक राजु कायस्थले विद्यालय व्यवस्थापन, शिक्षक, विद्यार्थी र अभिभावकहरू एकअर्कामा परिपूरक भएको बताए ।
सम्मानित पूर्व विद्यार्थी हीरामणि घिमिरेले जीवनमा अध्ययन नै सबैभन्दा महŒवपूर्ण विषय भएको बताए ।
विद्यालयका प्राचार्य डा. रामजी शर्माको सभापतित्वमा भएको कार्यक्रममा विज्ञान संयोजक दीपक अधिकारीले स्वागत र विद्यार्थी संयोजक धनप्रसाद श्रेष्ठले सञ्चालन गरेका थिए ।
कार्यक्रममा विद्यार्थीहरूले विभिन्न गीतमा नृत्य प्रस्तुत गरेका थिए ।
Related News
सम्बन्धित समाचार
रत्नशोभा माविका भूपू विद्यार्थीबीच पुनर्मिलन
माछापुच्छ्रे मावि व्यवस्थापनमा बमबहादुर
मनिपालमा अत्याधुनिक एमआरआई मेसिन
कास्कीमा एसइई उत्तरपुस्तिका परीक्षण रोकियो
स्याङ्जा जिल्लाकै पहिलो विद्यालयको ७१ औं वार्षिकोत्सव
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१