पोखरा । नौलो घुम्ती नेपालद्वारा सञ्चालित एकीकृत सामुदायिक विकास परियोजनामार्फत कास्कीका ३ पालिकाका १ हजार १ सय १५ जना विद्यार्थीलाई शैक्षिक सामग्री सहयोग प्रदान गरिएको छ ।

गुड नेवर्स इन्टरनेस्नल नेपालको आर्थिक तथा प्राविधिक सहयोगमा अन्नपूर्ण गाउँपालिका कास्की समन्वयमा अन्नपूर्ण ७ स्थित लान्दु्रक, हिमालय, चण्डी, तान्चोक माझगाउँ आवासीय विद्यालय र संगम माविका ६७ विद्यार्थीलाई स्वेटर वितरण गरिएको छ ।

वडाध्यक्ष भरतमान गुरुङले शैक्षिक सामग्री तथा न्यायो कपडा सहयोगले विद्यार्थी विद्यालय निरन्तर हुने र अभिभावकलाई आर्थिक भारमा सहुलियत भएको बताए ।
सो परियोजनाअन्तर्गत मादी वडा ८, ९, १० र ११, माछापुच्छ«े वडा ७ र ८, अन्नपूर्ण वडा ४, ६ र ७ का ४१ सामुदायिक विद्यालयका १ हजार १ सय १५ विद्यार्थीलाई विद्यालय पोशाक, झोला, कापी, कलम, पेन्सिल तथा स्टेसनरी सामग्री सहयोग गरिएको हो ।

यस्तै, माध्यमिक शिक्षा उत्तीर्ण १ सय ६४ विद्यार्थीलाई छात्रवृत्ति रकम सहयोगसमेत गरिएको छ ।

समुदायमा गुणस्तरीय स्वास्थ्य सेवाप्रवाहमा सहयोगका लागि कार्य क्षेत्रभित्र ३९ स्वास्थ्य संस्थाको स्तरोन्नति, स्वास्थ्यकर्मीको क्षमता अभिवृद्धि र बालसंरक्षणमा परियोजनाले सहयोग गर्दै आएको जनाइयो । गुणस्तरीय शिक्षामा बालबालिकाको पहँुच अभिवृद्धि गर्ने उद्देश्यका साथ बालबालिकाका अभिभावकलाई समेत प्राथमिकता दिँदै कार्यक्षेत्रका ६ सहकारीमार्फत आयआर्जनका सहयोगी गतिविधिसमेत सञ्चालन गर्दै आएको परियोजना अधिकृत महेश विश्वकर्माले बताए ।