पोखरा । हेमदेवी धर्म संस्कृति तथा समाजसेवा पुरस्कारबाट अनन्त श्रीविभूषित मुक्तिनाथ पीठाधीश्वर स्वामी कमलनयनाचार्यजी महाराज (श्रीमुक्तिनाथबाबा) सम्मानित भएका छन् ।

उनलाई सनातन वैदिक संस्कृतिमार्फत् धार्मिक चेतना अभिवृद्धि गर्न महŒवपूर्ण योगदान पु¥याएको भन्दै सम्मान गरिएको हो । मुक्तिनाथ मन्दिरमा रुपान्तरण अभियान, बाग्लुङस्थित पञ्चकोटको प्रवद्र्धन, कालीगण्डकीमा शालिग्राम संग्रहालय स्थापना, त्रिवेणीमा गजेन्द्रमोक्ष धाम निर्माण तथा जललाई जीवन मानेर अनुष्ठान गर्न उनको महŒवपूर्ण भूमिका रहेको उल्लेख छ ।

पोखरास्थित विन्ध्यवासिनी धार्मिक क्षेत्र विकास समितिले प्रदान गर्दै आइरहेको उक्त पुरस्कार शनिबार एक समारोहबीच उनलाई प्रदान गरिएको हो । पुरस्कारको राशि १ लाख १ हजार साथमा माला तथा सम्मानपत्र छ ।
पुरस्कार अर्पण गर्दै संस्कृति, पर्यटन तथा नागरिक उड्डयन मन्त्री सुदन किराँतीले नेपालमा संस्कृति र प्रकृतिको संयोजन गरी पर्यटन विकास गर्नुपर्नेमा जोड दिए । उनले नेपालमा ठूल्ठूला योग शिविर सञ्चालन हुनसक्ने सम्भाव्यता औल्याउँदै पवित्र शालिग्राम पाइने कालीगण्डकीमा क्रसर उद्योग सञ्चालन हुनु दुखद् भएको पनि जनाए ।

पर्यटनको प्रचूर सम्भावनायुक्त क्षेत्र पोखरा रहेको चर्चा गर्दै मन्त्री किराँतीले विन्ध्यवासिनी धार्मिक क्षेत्रलाई नमूना पर्यटकीय स्थलमा रुपमा विकास गर्न सरकार तयार रहेको बताए ।
सम्मानित व्यक्तित्व मुक्तिनाथबाबाले सम्मानले आफूलाई धार्मिक कार्यमा हौसला थपेको धारणा राख्दै पोखरालाई मुक्तिद्वारको संज्ञा दिए । उनले समय भगवान् भएको चर्चा गर्दै भारतका तीर्थस्थलको भ्रमण गरेमात्रै धर्म प्राप्ति हुन्छ भन्ने गलत मान्यता त्याग्न नेपाली धर्मावलम्बीलाई सुझावसमेत दिए ।

विन्ध्यवासिनी धार्मिक क्षेत्र विकास समितिका अध्यक्ष गणेशबहादुर श्रेष्ठले पुरस्कार प्राप्त गरेकोमा मुक्तिनाथबाबालाई बधाई दिँदै आम पोखरेलीको साथ सहयोगबाट मन्दिरका गतिविधिहरू सञ्चालन भइरहेको स्पष्ट पारे ।
धार्मिक क्षेत्र विकास समितिका सचिव एवं संस्कृतिकर्मी तीर्थ श्रेष्ठले सम्मान प्राप्त गरेकोमा बाबालाई बधाई दिर्दै सनातन वैदिक संस्कृतिको जगर्नामा बाबाको भूमिका वृद्धि हुने अपेक्षा सुनाए । उनले सन्तको सत्संघले मानिसलाई दिप्यता प्राप्त हुने भनाइ पनि राखे ।

विन्ध्यवासिनी धार्मिक क्षेत्र विकास समितिका संस्थापक अध्यक्ष स्व. हेमबहादुर÷देवीकुमारी प्रधानद्वारा स्थापित उक्त पुरस्कारबाट यसअघि संस्कृतिविद् सत्यमोहन जोशी, स्वामी आत्मानन्द गिरी, महिला अधिकारकर्मी दुर्गा घिमिरे तथा वरिष्ट कवि तथा साहित्यकार तुलसी दिवस सम्मानित भइसकेका छन् ।

धार्मिक क्षेत्र विकास समितिका अध्यक्ष श्रेष्ठको अध्यक्षतामा भएको कार्यक्रमको सञ्चालन धार्मिक क्षेत्र विकास समितिका सहसचिव आनन्द श्रेष्ठले गरेका थिए ।