बालमन्दिरमा तीज गीत प्रतियोगिता

आदर्श समाज सम्वाददाता
भाद्र २२, २०८०

पोखरा । बालमन्दिर मावि, नदीपुरमा नेपाल बाल संगठन जिल्ला कार्य समितिको आयोजना र बालमन्दिर माध्यमिक विद्यालयको व्यवस्थापनमा क्लष्टर विद्यालयस्तरीय तीजगीत प्रतियोगिता भएको छ ।

विद्यालयको ५९ औं वार्षिकोत्सव एवं राष्ट्रिय बाल दिवस पूर्व सन्ध्यामा आयोजित उक्त कार्यक्रममा क्लष्टर समूहका १५ वटा विद्यालयको सहभागिता थियो । जसमा कालिका मावि रामबजार प्रथम, बालमन्दिर मावि नदीपुर दोस्रो र भद्रकाली मावि पोखरा १३ तेस्रो भए । सान्त्वना वाराही मावि मालेपाटन भयो । कार्यक्रममा उत्कृष्ट भेषभूषातर्फ शीतलादेवी मावि रानिपौवा, उत्कृष्ट नृत्यमा महेन्द्र मावि भलाम घोषित भए ।

तीज गीत प्रतियोगिताको उद्घाटन राष्ट्रिय लोक तथा दोहोरीगीत प्रतिष्ठान पूर्व अध्यक्ष पुरुषोत्तम न्यौपानेले गरेका थिए । नेपाल बाल संगठन जिल्ला कार्य समितिका सभापति वामदेव ढुंगानाको अध्यक्षतामा भएको कार्यक्रममा समिति उपाध्यक्ष रामहरि ढुंगानाले स्वागत मन्तव्य र प्रधानाध्यापक सुशील बस्नेतले धन्यवाद ज्ञापन गरेका थिए ।

क्लष्टर विद्यालयका प्रअतर्फबाट महेन्द्र मावि भलामका प्रअ बोधराज पौडेलले शुभकामना मन्तव्य राखेका थिए ।

सो अवसरमा प्रमुख अतिथि न्यौपाने, निर्णायक मण्डलका सदस्य लोकदोहोरी गायक रामजी पौडेल, ज्योति लोहनी र अमरबहादुर धितालले समेत रमाइला प्रस्तुति राखेर रौनकता बढाएको बालमन्दिरका अतिरिक्त क्रियाकलाप संयोजक तिलकबहादुर कार्कीले बताए ।

सम्बन्धित समाचार

नेपाल प्रेस युनियन केन्द्रीय उपाध्यक्ष ऋषिकान्तलाई यातायात पुरस्कार

आदर्श समाज सम्वाददाता असाेज १, २०८०

पोखरा । पत्रकार ऋषिकान्त पौडेललाई यातायात व्यावसायिक पत्रकारिता पुरस्कार–२०८० प्रदान गरिने भएको छ । पोखरा यातायात प्रालिले प्रदान गर्ने उक्त…
माउन्ट अन्नपूर्णमा बालदिवस

आदर्श समाज सम्वाददाता भाद्र ३१, २०८०

पोखरा । माउन्ट अन्नपूर्णमा मावि नदीपुरमा विविध कार्यक्रमहरुका साथ बालदिवस मनाइएको छ । विगतका वर्षझंै यसपालि पनि बालदिवसको अवसरमा प्रतिभा…
तारा एअरले सोमबारदेखि पोखरा–जोमसोम उडान थाल्ने

आदर्श समाज सम्वाददाता भाद्र २४, २०८०

पोखरा । प्रतिकुल मौसमसँगै बन्द भएको पोखरा–जोमसोमको उडान २५ गते सोमबारदेखि तारा एअरले नियमित गर्ने भएको छ । विस्तारै मौसम…
नेविसंघ कास्कीको रक्तदानमा ५२ युनिट रगत

आदर्श समाज सम्वाददाता भाद्र २४, २०८०

पोखरा । नेपाल विद्यार्थी संघ कास्कीले ११० औं विपी जयन्तीको अवसरमा आयोजना गरेको रक्तदानमा ५२ युनिट रगत संकलन भएको छ…
बागलुङ समाज पोखराले मनायो तीज

आदर्श समाज सम्वाददाता भाद्र २४, २०८०

पोखरा । गण्डकी प्रदेशसभाकी उपसभामुख बिनाकुमारी थापाले तीज संस्कृति महिला सशक्तीकरणसँग जोडिएको बताएकी छन् । बागलुङ समाज पोखराले हरितालिका तीजका…