पोखरा । नेपाल मुद्रण उद्योग महासंघ तथा मुद्रण व्यवसायी संघ कास्कीले प्रेस मजदुर श्याम विहारीको उपचारार्थ आर्थिक सहयोग गरेको छ ।

संघका पदाधिकारीको टोलीले बिहीबार मनिपाल अस्पताल पुगी उनको सुस्वास्थ्यको कामना गर्दै एकमुष्ठ १८ हजार रुपैयाँ सहयोग गरेको हो ।

स्वास्थ्यमा अचानक समस्या आएपछि ५ दिनअघि आइसियुमा भर्ना गरिएका विहारीलाई बुधबार मेडिकल बार्डमा सारिएको छ । उनी आदर्श समाजमा कार्यरत छन् ।