पोखरा । प्रशोधित पानीको बोतलमा लेउ भेटिएपछि पोखराको भकुन्डेस्थित पानी उद्योगमा प्रशासनले ताला लगाइदिएको छ । कास्कीका सहायक प्रमुख जिल्ला अधिकारी गुरुदत्त ढकालले पोखरा–१८ भकुन्डेको नेपा फ्रेस मिनरल वाटर उद्योग बुधबारदेखि बन्द गराइएको बताए । उनका अनुसार जार र बोतलमा राखिएको पानी बिक्रीमा पनि रोक लगाइएको छ ।
लेकसाइडको एक होटेलमा भदौ १ गते गण्डकी प्रदेश नीति तथा योजना आयोगले गरेको कार्यक्रम वितरित पानीको बोतलमा लेउ देखिएपछि मुख्यमन्त्री कार्यालयका कर्मचारीले प्रशासनमा खबर गरेका थिए । कार्यक्रममा गण्डकी प्रदेशका मुख्यमन्त्री सुरेन्द्रराज पाण्डेसहित सबै मन्त्री, राष्ट्रिय योजना आयोगका उपाध्यक्षसहित सरकारी अधिकारीहरू र पत्रकार सहभागी थिए ।
बुधबार स्थलगत अनुगमनपछि उद्योगको कागजपत्रसहित बिहीबार जिल्ला प्रशासन कार्यालयमा हाजिर हुन उद्योग सञ्चालका नाममा पर्चा काटिएको छ । मुद्दा किनारा नलागेसम्म बिक्रीवितरण र उत्पादन नगर्नू भनेर निर्देशन दिएको उनले बताए । पानी परीक्षणका लागि खाद्य प्रविधि तथा गुण नियन्त्रण डिभिजन कार्यालयमा पठाइएको छ । उद्योग सञ्चालक भीमप्रसाद शर्माले बिजुली आउने जाने भइरहँदा समस्या देखिएको बताए । एउटा ब्याचको पानीमा समस्या छ भन्ने थाहा पाएपछि बजारमा पठाउनै रोकेको उनको भनाइ थियो । बजारमा पुगिसकेको भए पनि फिर्ता ल्याइदिन डिलरलाई पनि भनेको शर्माले सुनाए ।
राष्ट्रिय उपभोक्ता महासंघ कास्कीका उपाध्यक्ष मिलनप्रसाद तिवारी अन्य उद्योगमा पनि यस्तो समस्या हुन सक्ने भएकाले सबै उद्योगमा अनुगमन आवश्यक रहेको बताउँछन् । ‘बर्खाको समयमा अरु पानी उद्योगले पनि गुणस्तरहीन पानी बेचेको हुन सक्छ । खानै अयोग्य पानी बजारमा पठाएर उपभोक्ताको स्वास्थ्यमाथि खेलबाड गर्न पाइँदैन,’ उनले भने, ‘सबै उद्योगको निरन्तर अनुगमन हुनुपर्छ । गलत गर्नेलाई कारबाही गरिनुपर्छ ।’ यसअघि पनि परीक्षण उत्पादनको पानीमा लेदोसहित बिक्री गरेको भेटिएको थियो । प्रशोधन गरिएकै पानीमा समेत कैफियत देखिएपछि उपभोक्तामाथि अन्याय भएको तिवारीको भनाइ छ ।
Related News
सम्बन्धित समाचार
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१