पोखराकी सञ्चारकर्मी एलिजाको निधन

आदर्श समाज सम्वाददाता
भाद्र ५, २०८०

पोखरा । पोखराकी सञ्चारकर्मी रोशनी क्षत्री (एलिजा) को निधन भएको छ । सोमबार बिहान पोखराको न्युरोड नजिकै घर परिसरमा जलिरहेको अवस्थामा भेटिएकी उनको उपचारका क्रममा मंगलबार निधन भएको हो ।

घटनालगत्तै उद्धार गरेर उनलाई गण्डकी मेडिकल कलेजमा लगेर उपचार थालिएको थियो । सोमबारै हेलिकोप्टरबाट काठमाडौं लैजाने तयारी भइ पनि मौसमको खराबीका कारण सम्भव भएको थिएन । अवस्था जटिल हुँदै गएपछि उनलाई पश्चिमाञ्चल क्षेत्रीय अस्पतालमा लगिएको थियो ।

मंगलबार पौने १ बजेतरि चिकित्सकले उनलाई मृत घोषणा गरेका हुन् । एलिजाको मंगलबार नै पोस्टमार्टम गरी परम्परा अनुसार दाहसंस्कार गरिएको छ ।
घटनाका बारेमा अनुसन्धान भइरहेको प्रहरीले जनाएको छ ।

२०५५ मा पोखराकै भलाममा जन्मेकी उनी विगत ७ वर्षदेखि सञ्चारकर्ममा थिइन् । माछापुच्छ्रे एफएमबाट काम थालेकी उनले परिचय डटकम, अन्नपूर्ण एफएममा काम गरेकी थिइन् । हाल उनी पत्रकारितामा स्नातकोत्तर गर्दै थिइन् । उनको १४ महिना पहिला बिहे भएको थियो ।

उनी चलचित्र पत्रकार संघ कास्कीको कार्यसमिति सदस्य हुन् । चलचित्र पत्रकार संघ कास्कीले मंगलबार नै विज्ञप्ति निकालेर कार्यसमिति सदस्य क्षत्रीको निधनले मर्माहत र स्तब्ध भएको जनाएको छ । अध्यक्ष प्रभु अधिकारी र सचिव सन्तोष बस्यालले विज्ञप्ति जारी गरी कार्यसमिति सदस्य भएर संस्थाप्रति पुर्‍याएको योगदानको प्रशंसा गर्दै संघले स्मरण गरिरहने उल्लेख गरेका छन् ।

सम्बन्धित समाचार

पाल्पामा जिप दुर्घटना ३ जनाको मृत्यु

आदर्श समाज सम्वाददाता भाद्र १३, २०८०

रामपुर (पाल्पा) । पाल्पाको रिब्दिकोट गाउँपालिका–२ जोर्तेमा जिप दुर्घना हुँदा तीनजनाको मृत्यु भएको छ । गुल्मीबाट पाल्पातर्फ आउँदै गरेको लु१ज…
काठमाडाैंबाट पोखरा आउँदै गरेको बस धादिङमा दुर्घटना, ८ को मृत्यु, १७ घाइतेको उद्धार

आदर्श समाज सम्वाददाता भाद्र ६, २०८०

मलेखु । धादिङको गजुरी गाउँपालिका–२ चालिसेस्थित छहरामा केही बेरअघि भएको बस दुर्घटनामा परी आठ जनको निधन भएको छ । काठमाडाै‌बाट…
दाउन्नेमा बस दुर्घटना, २९ जना घाइते

आदर्श समाज सम्वाददाता भाद्र ५, २०८०

नवलपरासी । धनगढीबाट काठमाडौंतर्फ आउँदै गरेको सु.प.प्र. ०१–००१ ख २९८६ नम्बरको बस मंगलबार बिहान पूर्वी नवलपरासीको विनयी त्रिवेणी गाउँपालिका २…
नारायणगढ–मुग्लिन सडकको पहिरो पन्छाउने काम जारी

आदर्श समाज सम्वाददाता भाद्र ५, २०८०

भरतपुर (चितवन)। नारायणगढ–मुग्लिन सडकखण्डमा खसेको पहिरो पन्छाउने काम भइरहेको छ । सोमबार राति करिब ८ः०० बजेतिर नाम्सी पुल नजिकै पहिरो…
कागबेनीको बाढी : गेग्रान खोतल्दा डेढ करोड भेटियो

आदर्श समाज सम्वाददाता भाद्र ३, २०८०

पोखरा । बाढीले खण्डहर बनाएको कागबेनी क्षेत्रमा डेढ करोडभन्दा बढी नगद भेटिएको छ । उक्त रकम प्रभु र नेपाल इन्भेस्टमेन्ट…