पोखरा । गीतकार विक्रम पौडेलले तीजेगीत ‘फर्की हेर्‍यौ ..’ सार्वजनिक गरेका छन् । आफ्नै युट्युब च्यानल विक्रम पौडेलमार्फत उनले गीत दर्शकस्रोता माझ ल्याएका हुन् । गीतमा गायक राजन कार्की र शान्ति श्री परियारले स्वर दिएका छन् । सुमन केसी, अस्मिता रनपाल र प्रिन्स लम्सालको अभिनय रहेको उक्त गीतको भिडियो कुमार केसीले निर्देशन गरेका हुन् । गीत दर्शक स्रोताको रोजाइमा परेको गीतकार पौडेलले बताए ।

कुलेन्द्र विक र शान्ति श्री परियारको स्वरमा रहेको उनको पहिलो सिर्जना ‘बैंसालु नजरैमा…’ त्यति सफल हुन सकेको थिएन ।

‘फर्की हेर्‍यौ…’डान्सिङ गीतका रुपमा रहेको छ । कास्कीका पर्यटकीय क्षेत्रको दृश्य यहाँ देख्न सकिन्छ । स्र्रोतादर्शकको माया पाएकाले गीत संगीतमा लाग्न थप प्रेरणा मिलेको सर्जक पौडेलले बताए । उनले भने, ‘पहिलो गीत सफल बन्न सकेन, दोस्रो गीतमा दर्शक स्रोताले साथ दिनुभएको छ । टिकटकमा त झन् धेरै रुचाइएको छ ।’ पौडेल पोखरामा शैक्षिक क्रियाकलापमा समेत सक्रिय छन् ।