पोखरा । नेपाली कांग्रेसको केन्द्रमा २२ वटा विभाग थप गर्न प्रस्ताव गरिएको छ । साथै केन्द्रीय कार्यसमितिको बैठकमा कार्यकाल सकिएका ६ भ्रातृ संगठनको तदर्थ समिति भदौ १५ भित्र बनाउने प्रस्ताव पेस भएको छ । म्याद सकिएर तदर्थ समिति बनेको तर समितिले पूर्णता नपाएका नेविसंघ लगायत भ्रातृ संगठनलाई ६ महिनाभित्र अधिवेशन गरिसक्ने गरी भदौ १५ भित्र पूर्णता दिने प्रस्ताव छ ।
झन्डै १ वर्षपछि बसेको केन्द्रीय कार्यसमितिको बैठक सामाजिक संजाल फेसबुकमार्फत लाइभ गरिएको थियो ।
पार्टी कार्यालय, सानेपामा बसेको बैठकमा महामन्त्री गगनकुमार थापाले केन्द्रमा २२ वटा विभाग थप गरेर विभागको जम्मा संख्या ७० पु¥याउन प्रस्ताव गरेका हुन् । यसअघि विभागको संख्या ४८ भए पनि विधानमा भने अहिलेसम्म एउटा सूचना सञ्चार विभागमात्र गठन भएको छ । नेपाल प्रजातन्त्र सेनानी संघ, नेपाल भूतपूर्व सैनिक संघ, राष्ट्रिय लोकतान्त्रिक अपांग संघ, नेपाल मुस्लिम संघ, नेपाल ठाकुर संघ र नेपाल दलित संघको तदर्थ समिति भदौ १५ भित्र बनाउने प्रस्ताव राखेका हुन् ।
म्याद सकिएर तदर्थ समिति बनेको, तर समितिले पूर्णता नपाएका नेपाल विद्यार्थी संघ लगायतका भ्रातृ संगठनलाई ६ महिनाभित्र अधिवेशन गरिसक्ने गरी भदौ १५ भित्र पूर्णता दिने पनि उनको प्रस्ताव थियो । जसमा सबै भ्रातृसंस्थाहरुले आफ्नो कार्यतालिका बनाउनुपर्नेछ भने हरेक ३ महिना प्रगति प्रतिवेदन केन्द्रीय कार्यालयमा बुझाउनुपर्नेछ ।
यसैबीच, केन्द्रीय कार्यसमितिको बैठक अब २÷२ महिनामा बस्ने प्रस्ताव गरिएको छ । कांग्रेसको विधानमा पनि केन्द्रीय कार्यसमितिको बैठक २ महिनामा कम्तीमा एकपटक बस्ने उल्लेख छ ।
पार्टी सभापति शेरबहादुर देउवाको अध्यक्षतामा बसेको बैठकको प्रारम्भ गर्दै महामन्त्री विश्वप्रकाश शर्माले बैठकका कार्यसूचीबारे जानकारी गराए । बैठकमा छलफलका लागि विभिन्न १० कार्यसूची तय गरिएको थियो ।
यसअघि २७ असारमा तय भएको बैठक विविध कारणले गर्दा मंगलबारलाई सारिएको थियो ।
Related News
सम्बन्धित समाचार
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१