पोखरा । पोखरा ३ नदीपुरस्थित माउन्ट अन्नपूर्ण माविको म्यान्जनेट तथा होटल म्यानेजमेन्टमा कक्षा १२ का विद्यार्थीलाई बिदाइ गरिएको छ । जुनियरले सिनियरलाई बिदाइ गर्ने विद्यालयको परम्पराअनुसार कक्षा ११ का विद्यार्थीहरूले कक्षा १२ का विद्यार्थीलाई बिदाइ गरेका हुन् ।
कार्यक्रममा विद्यालय सञ्चालक समितिका अध्यक्ष सुरज प्रकाश प्रधानांग, विद्यालय निर्देशक अशोक शाही, प्राचार्य सइन्द्रराज श्रेष्ठ, निर्देशक चिजकाजी गुरुङ र अध्यापक विकास गुरुङले शुभकामना दिए ।
यसैबीच विभिन्न विधामा उत्कृष्ट हुन सफल विद्यार्थीलाई पुरस्कार वितरण र कक्षा १२ का विद्यार्थीलाई मायाको चिनो प्रदान गरिएको थियो । कक्षा ११ का विद्यार्थीले सांगीतिक प्रस्तुति राखेका थिए ।
कक्षा ११ की छात्रा प्रभा पुनको अध्यक्षतामा भएको कार्यक्रममा कक्षा ११ की छात्रा भूमिका सुवेदीले स्वागत र कक्षा ११ का विद्यार्थीद्वय समीक्षा सिर्पाली र सुजन आचार्यले कार्यक्रम सञ्चालन गरेका थिए ।