मुस्ताङ । मुस्ताङको घरपझोङ गाउँपालिका वडा १ छैरो गाउँस्थित छैरो छहरा गुम्बा ५ शताव्दी पुरानो धार्मिक तीर्थस्थल हो । गुम्बा नै गुम्बाको शहरको उपमा पाएको मुस्ताङको यस तीर्थस्थल प्रवद्र्धन अभावमा भने ओझेलमा छ ।
बेनी–जोमसोम–कोरोला सडक खण्डअन्तर्गत घरपझोङ २ मार्फादेखि पारीपट्टि रहेको यस गुम्बा हिंडेर १० मिनेटमा नै पुग्न सकिन्छ । सडक सञ्जालले नछोए पनि यस गुम्बामा धार्मिक आस्था र विश्वासकै कारण बर्सेनि ठूलै संख्यामा दर्शनाथी आउने गरेको यहाँका स्थानीयवासी बताउँछन् ।
गुम्बा नजिकै तिब्बतीयन शरणार्थीहरूको बाक्लो बसोबास छ । करिब ७० वर्षदेखि नियमित रुपमा बसोबास गर्दै आएका तिब्बतीयनको बसोबास पनि यहाँको मौलिकता हो भन्दा फरक पर्दैन । यस तिब्बतीयन क्याम्प र छैरो गाउँको आपसी मेलमिलाप र भाइचारा विशिष्ट प्रकृतिको छ ।
छैरो छहरा गुम्बा मुस्ताङ जिल्लाकै सबैभन्दा पुरानो हो । साथै भूगोलका कारण पनि गुम्बा लामो समयदेखि ओझेलमा थियो । जसले यसको उन्नयन विकास हुन नसकेको स्थानीय अगुवा सोमप्रसाद शेरचन बताउँछन् । उनका अनुसार छैरो गाउँका स्थानीयहरु आर्थिक रुपमा समेत माथि उठ्न नसकेका कारण करिब ३ दशक अघिबाट गाउँका स्थानीयहरु देशका विभिन्न शहरमा बसाइँ सरेका थिए । सोही कारण बसाइँसराइक्रमसँगै गुम्बा र गाउँको संरक्षण नभएको हुन सक्ने शेरचनले बताए ।
पछिल्लो समयमा गुम्बाको महत्वलाई बुझेर यसको संरक्षण र विकासमा चासो बढेको उनले बताए । शेरचनको अनुसार २०३७ सालमा अन्तिम पटक देव (लामा) नृत्य भएको उनको भनाइ छ ।
पछिल्ला समयमा स्थानीय निकाय, प्रदेश र संघ गरी तीन वटैै तहले यसको भौतिक पूर्वाधार निर्माणमा सहयोग गर्न थालेको स्थानीय जनप्रतिनिधि बताउँछन् । सडक सञ्जालले गाउँलाई जोड्ने भैसकेपछि ऐतिहासिक सम्पदाको संरक्षणमा पनि चासो बढ्दै जान थालेको छ । गुम्बामा ५ सय वर्षभन्दा पुरानो महत्वपूर्ण वास्तुकला, आकर्षक भगवान गौतम बुद्धका आकृति (मूर्ति) छन् ।
पछिल्लो समय गुम्बाको महत्व बुझेर यसको संरक्षण र विकासमा चासो बढेको छ
भगवान् गौतम बुद्धको दोस्रो रुप गुरु रिन्पोन्छेको विशाल मूर्तिले गुम्बाको गरिमा र महत्व अझै बढाएको छ । गुम्बाको वरिपरि २ सय वर्षभन्दा पुराना ठूल्ठूला धुपीका रुखले ढाकेको र बीच भागमा रहेको गुम्वा आकर्षक देखिन्छ ।
पछिल्लो ५ वर्षमा स्थानीय र प्रदेश सरकारले छुट्याएको बजेटबाट गुम्बाको केही संरचना पुनर्निर्माण गरिनुले यसको आकर्षण बढेको हो । गुम्बाको ऐतिहासिकतालाई प्रचारप्रसार गर्न सकेमात्रै मुस्ताङ आउने जोकोही पर्यटकको एक पटक पुग्नै पर्ने गन्तव्यको रुपमा यसको विकास हुने पक्का छ ।
गुम्बाका लामा रामु थकालीका अनुसार गुरु रिन्पोन्छे भगवान् गौतम बुद्धको दोस्रो रुप हो । ‘जुनसुकै पूजापाठ गर्नुअघि गुरु रिन्पोन्छेको शरण पर्नु आवश्यक रहन्छ,’ उनले भने । धार्मिक आस्थाकै कारणले गर्दा पछिल्लो समय यस गुम्बामा बौद्ध धर्मावलम्बीहरूको आगमनमा वृद्धि हुँदै गएको उनले बताए ।
मनले चिताएको पूरा हुने र सन्तान नभएका दम्पतीले वर मागेमा सन्तान प्राप्ति हुने विश्वासका साथ टाढाटाढाबाट दर्शनार्थी आउने गरेका छन् । पुजारी लामा थकालीका अनुसार गुम्बामा जसजसले राम्रो मनले पूजाआजा गरेका छन् उनीहरूलाई मनोकांक्षा पूरा भएको थकालीको जिकिर छ । गुम्बामा बर्सेनि बौद्ध धर्मावलम्बीले घ्यल्बो पूजा गर्ने गर्दछन् । प्रत्येक ३ वर्षमा ऋनन्जी पूजा गरेमा दुख, बिमार, बाधा, ाशरीरिक कष्ट हट्ने जनविश्वास छ । आफ्नो परिवारको कल्याणको कामना गर्दै घ्यल्बो र ऋनन्जी पूजा अनिवार्य गर्नुपर्ने प्रचलन रहेको छ ।
छैरोका पूर्व गाउँ मुखिया कृष्णबहादुर गौचनले गुम्बा ५ सय वर्षभन्दा पुरानो रहेको जानकारी दिए । मुस्ताङको सबैभन्दा पुरानो गुम्बा भएको कारण यसको महत्व रहेको उनको जिकिर छ । गुम्बा समितिले प्रत्येक वर्ष सबैको रोगव्याधी हटोस् भन्दै घ्यल्बो पूजा र गाउँको रक्षाको कामना गर्दै प्रत्येक तीन वर्षमा ऋनन्जी पूजापाठ गर्ने गरेको छ ।
गौचनका अनुसार छैरो छहरा गुम्बा बैशाख पहिलो साताबाट मङ्सिर महिनाभर पूजा पाठका लागि खुला भई करिब ४ महिनाको लागि गुम्बा बन्द गर्ने प्रचलन प्राचीनकालदेखि नै चल्दै आएको छ । अहिले पनि स्थानीयले सोही प्रचलनलाई आत्मसात गर्दै गाउँको रक्षा र स्थानीयमा दुख, कष्ट नआओस् भन्दै पूजाआजा गर्ने गर्छन् ।
पछिल्लो समयमा छैरो छहरा गुम्बालाई धार्मिक पर्यटनसँग जोड्ने प्रयास पनि थालिएको छ । घरपझोङ ४ हुँदै रिङ रोडले छोएको कारण पनि यसको महत्व चुलिदै गएको हो । साथै नजिकै रहेको छैरो छहरा (झरना) लाई पनि जोड्न सकिने देखिएको छ । वडाध्यक्ष आशबहादुर थकालीका अनुसार छैरो छहरा गुम्बा करिब २० रोपनीमा फैलिएको छ ।
गुम्बाको धार्मिक एवं पर्यटकीय विकासले स्थानीयको आर्थिक उन्नयनमा पनि टेवा पु¥याउन सकिने उनले बताए । गुम्बाकै कारण भोलिका दिनमा गाउँलेको जीवनस्तर माथि उठाउन सकिने देखिन्छ । यसको विकासका लागि सबैको साथ र सहयोग आवश्यक रहको वडाध्यक्ष थकालीले बताए ।
Related News
सम्बन्धित समाचार
माटो सुहाउँदो खेती गरे विदेशिनु पर्दैन : प्रमुख घर्ती
गण्डकीमा संविधान भर्सेज सर्वोच्च
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
मुख्यमन्त्री अधिकारीविरुद्धको रिट खारेज
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१