पोखरा । ज्येष्ठ नागरिक मञ्च पोखरा–१७ ले ज्येष्ठ नागरिकहरुलाई तीर्थ भ्रमण गराएको छ । मञ्चले नवलपुर जिल्लाको देवचुली नगरपालिकास्थित शाश्वत धाम, गैंडाकोट नगरपालिकाको मौलाकालिका मन्दिर र तनहुँको देवघाटधाम दर्शन गरएको हो ।

भ्रमणमा २७ जना महिलासहित ५६ जनाको सहभागिता थियो । भ्रमणमा निस्कनुअघि पूर्व पोखरा–१७ की अध्यक्ष राधिका योगीले भ्रमणको सफलताको शुभकामना व्यक्त गरेकी थिइन् ।

भ्रमणमा वडा सचिव मञ्जु ढुंगानाबाट वडा प्रतिनिधित्वसमेत रहेको उक्त कार्यक्रमको नेतृत्व ज्येष्ठ नागरिक मञ्च पोखरा–१७ का अध्यक्ष टोपराज ढुंगानाले गरेका थिए ।