पोखरा । स्टेप बाई स्टेप मावि मासबार, पोखरामा युवा रेडक्रस सर्कल, क्वालिटी सर्कल र ग्रो सर्कल पुनर्गठन गरिएको छ । निर्वाचन प्रणालीबारा सिक्ने सिकाउने उद्देश्यले प्रत्यक्ष निर्वाचन गरी कार्यसमिति गठन गरिएको छ ।

विद्यालयमा एक कार्यक्रमको आयोजना गरी तीनै सर्कलको पुनर्गठन गरिएको हो । पुनर्गठित युवा रेडक्रस सर्कलको अध्यक्षमा आयुष पौडेल, उपाध्यक्ष आयुषा थापा, सचिव मेलिना पुन, कोषाध्यक्ष सुविन गुरुङ निर्वाचित भए । सदस्यहरु आइशा थापा, आकृति सापकोटा, अविरल कुँवर, दृश्ना गिरी, प्रिशा गौतम र सुविधा लामिछाने निर्वाचित भएका छन् । शिक्षक नायकको जिम्मेवारी लक्ष्मणप्रसाद भण्डारीलाई दिइएको छ ।

वसन्ती बरालको अध्यक्षतामा गठित क्वालिटी सर्कलको उपाध्यक्ष दीक्षा दर्जी, सचिव रोशन पाठक र कोषाध्यक्ष आयुशा लामिछाने चुनिएका छन् । सदस्यहरू एलिना मगर, अरुण तिवारी, आरोग्या श्रेष्ठ, विनायक गुरुङ, रोमन्शन गिरी, युनिक बर्तौला र युशिन गुरुङ निर्वाचित भए । शिक्षक संयोजक मेघनाथ गिरी रहेका छन् ।

ग्रो सर्कलको अध्यक्षमा सुदेस्ना पौडेल निर्वाचित भएकी छिन् भने उपाध्यक्ष, सचिव, सहसचिव र कोषाध्यक्षमा क्रमशः सुमित तिमिल्सिना, उज्जल भट्टराई र प्राप्ती पराजुली निर्वाचित भए । सदस्यहरू अन्मोल गुरुङ, एन्जिला श्रेष्ठ, दिपीन क्षेत्री, निरेश क्षेत्री, पेलोरीका तिमिल्सिना, सौरभ भण्डारी र साक्षी हमाल निर्वाचित भएका छन् । शिक्षक कोडिनेटरको जिम्मेवारी विवेक गौतमलाई दिएको छ ।

संस्थापक प्राचार्य तथा सर्कलका संरक्षक निर्मला बरालले विद्यार्थीहरुमा नेतृत्व क्षमताको विकास गर्ने, सेवाको भावना जागृत गर्ने र विद्यार्थीमा सक्रियता बढाउने उद्देश्यले सर्कलहरू गठन गरिएको बताइन् । कार्यक्रममा संस्थापक निर्देशक रमाकान्त बराल, सहप्राचार्य दीपक गिरी र विद्यालय संयोजक सूर्यप्रसाद लम्साललगायतले बोलेका थिए ।