पोखरा । विन्ध्येश्वरी आदर्श बोर्डिङ स्कुलमा कक्षा २ देखि कक्षा १० सम्म चित्रकला प्रतियोगिता सम्पन्न गरियो ।

कार्यक्रममा आधारभूत जुनियर तहमा कक्षा ३ बाट मौ भौमिक प्रथम, सोही कक्षाका अंकित मन्ना द्वितीय र कक्षा २ बाट रञ्जन सुनार तृतीय भए । सोही तहमा कक्षा ५ बाट एलेक्स कुँवर प्रथम, कक्षा ४ बाट सौरभ पोख्रेल द्वितीय र कक्षा ५ बाट दिप्सन न्यौपाने तृतीय भए ।

आधारभूत सिनियर तहमा कक्षा ७ बाट क्रमशः अर्चना रत्न प्रथम, उपासना रेग्मी द्वितीय र विनायक गिरी तृतीय भए । मावि तहमा कक्षा १० बाट क्रमशः लुनिभा कपाली प्रथम, साइना बुद्धाचार्य द्वितीय र सौरभमान शाक्य तृतीय भएका थिए ।

निर्णायकमा आर्ट शिक्षक अनिता थापा थिइन् । पुरस्कार तथा प्रमाणपत्र वितरण प्राचार्य कृष्णकुमार श्रेष्ठले गरेका थिए । कार्यक्रम सञ्चालन अतिरिक्त क्रियाकलाप प्रमुख राजु बयलकोटीले गरेका थिए ।