पोखरा । पोखरा ७, मासबारस्थित डिज्नील्यान्ड एकेडेमीमा जुनियर रेडक्रस सर्कल र बाल क्लबको नयाँ नेतृत्व चयन भएको छ । आइतबार मतदान प्रक्रियामार्फत दुवै संस्थाको नयाँ नेतृत्व चयन गरिएको हो ।

जुनियर रेडक्रस सर्कल सभापतिमा १ सय ५१ मत प्राप्त गरी कक्षा ९ का अंकित खड्का विजयी भए । सभापतिमा कक्षा ९ का अनुकल्प नेपालीले पनि प्रतिस्पर्धा गरेकोमा उनले ३८ मत प्राप्त गरे ।

उपसभापतिमा कक्षा ८ का संस्कार बराल विजयी भए । सचिवमा कक्षा ९ की अनश्रू बराल, कोषाध्यक्षमा कक्षा ९ का प्रज्वल पराजुली, सहसचिवमा कक्षा ८ का सफल पौडेल निर्वाचित भए । सदस्यमा सागरराज पौडेल, अनिश ढुंगाना, विनम्र अधिकारी, प्रशंसा पौडेल, एनिका परियार र उज्वल खड्का विजयी भएको विद्यालयले जनाएको छ ।

बाल क्लबको अध्यक्षमा ९४ मत प्राप्त गर्दै कक्षा ९ की ईच्छा अधिकारी विजयी भइन् । उनीसँगै प्रतिस्पर्धा गरेका कक्षा ९ कै सौरव कुमालले ९१ मत प्राप्त गरे ।

उपाध्यक्षमा कक्षा ८ की आस्था भुजेल, सचिवमा कक्षा ९ की श्रीपर्ना सुवेदी, कोषाध्यक्षमा कक्षा ९ की हिमानी लामिछाने र सहसचिवमा कक्षा ८ का समीर खत्री निर्वाचित भए । सदस्यमा हिमेश बराल, अनिशा शर्मा, इशान लम्साल, सुजन गुरुङ, आभास पौडेल र अनिश ढकाल निर्वाचित भए ।

निर्वाचत प्रक्रिया समेत बुझाउन दुवै संस्थाको निर्वाचनका लागि २० वैशाखमा उम्मेदवारी मनोनयन, २४ वैशाखमा निर्वाचन चिन्ह प्रदान गरिएको थियो । निर्वाचन चिन्ह प्राप्त गरेलगत्तै उम्मेदवार प्रचारप्रसारमा लागेका थिए । आस्था पौडेल, सोफिया गिरी, रोश्मी आले, मयंक अधिकारी र सुजल भण्डारीले विद्यार्थीलाई मतदाता शिक्षा र मतदान प्रक्रियाबारे प्रशिक्षण दिएका थिए ।

दुवै संस्थाका लागि छुट्टाछुट्टै मतपत्र र मतपेटिकाको व्यवस्था गरिएको थियो । निर्वाचनमा २ सय ५ विद्यार्थी सहभागी थिए । विद्यालयका संस्थापक निर्देशक मित्रबन्धु बरालको रोहवर आइतबार साँझ मतणनापछि निर्वातन परिणाम सार्वजनिक गरिएको हो ।

संस्थापक प्राचार्य नरेशप्रसाद बरालले चुनावले विद्यालयको वातावरण पूर्ण निर्वाचनमय बनेको बताए । पूर्ण प्रजातान्त्रिक पद्दति अपनाएर निर्वाचन सम्पन्न गराउँदा विद्यार्थीले महत्वपूर्ण शिक्षा हासिल गरेको उनले बताए ।