पोखरा । नवज्याति सनत दुर्गा आधारभूत विद्यालय पोखरा ३०, आपडाँडाले ३२ औं वार्षिकोत्सव, अभिभावक दिवस तथा पुरस्कार वितरण कार्यक्रम गरेको छ ।

समारोहमा वडाध्यक्ष दुर्गाप्रसाद सुवेदीले वडाले शिक्षा क्षेत्रलाई आर्थिक सहयोग गर्ने प्रतिबद्धता व्यक्त गरे । कार्यक्रममा विद्यालय व्यवस्थापन समिति अध्यक्ष नारायणप्रसाद सुवेदी, विद्यालयका भवन निर्माणकर्ता पोखरा ८, सिमलचौर निवासी सनतकुमार श्रेष्ठ र श्रीमती दुर्गा श्रेष्ठ, पोखरा महानगर कार्यपालिका सदस्य भीमकुमारी पुन, पोखरा ३० का जनप्रतिनिधि उमा परियार, विनोदप्रसाद लामिछाने, त्रिभुवन शान्ति नमुना माविका व्यवस्थापन समिति अध्यक्ष नारायणप्रसाद पौडेल लगायतले बोलेका थिए ।

कार्यक्रममा संक्रामक तथा सरुवारोग अस्पताल मोहोरियाका अध्यक्ष केदार लामिछाने, विद्यालय व्यवस्थापन समिति सल्लाहकार मित्रलाल सापकोटा, नागरिक परोपकार समन्वय संस्थाका चिरञ्जीवी तिवारी, अमरसिद्ध नमुना माविका प्रअ विष्णुप्रसाद पौडेल, छिमेकी विद्यालय शान्ति आधारभूत विद्यालयका प्रअ अमृता तिवारी, विद्यालयका प्रअ रमा पौडेल लगायतले बोलेका थिए ।

लेखनाथ सामुदायिक बचत तथा ऋण सहकारीका तालचोकका सचिव कृष्ण तिवारीले विद्यालयलाई खेलकुद सामग्री सहयोग गरे । कार्यक्रम संचालन संस्थापक प्रअ लीलामणी त्रिपाठी र शिक्षिका सञ्जु वञ्जराले गरे ।