पोखरा । पोखरा लिंकन इन्टरनेशनल कलेज र कास्की मोडेल हस्पिटलबीच स्वास्थ्य परीक्षण गराउँदा छुट दिनेबारे सम्झौता भएको छ । कलेजको तर्फबाट अध्यक्ष शेरबहादुर गुरुङ र अस्पतालको तर्फबाट प्रबन्ध निर्देशक डा. शैलेस गुरुङबीच सम्झौतापत्रमा हस्ताक्षर भएको हो ।

सम्झौताअनुसार अस्पतालले कलेजका विद्यार्थी, कर्मचारी तथा शिक्षक र संचालक, सेयर होल्डरलाई स्वास्थ्य परीक्षणमा छुट प्राप्त गर्ने छन् । कन्सल्टेन्सी शुल्कमा १२, बेड चार्ज, सर्जरी/डेन्टल, प्रोसिजर ल्याब र फिजियोथेरापीमा १०, फार्मेसीमा ५ प्रतिशत पाउने छन् । साथै कर्मचारी तथा शिक्षक र संचालक/सेयर होल्डरलाई कन्सल्टेन्ट फि, बेड चार्ज, सर्जरी÷डेन्टल र प्रोसिजर ल्याबमा १५ प्रतिशत, फिजियोथेरामीमा १० र फार्मेसीमा ७ प्रतिशत छुट सुविधा दिइनेछ ।

पोखरा ८ सिमलचौरस्थित पोखरा लिंकनले करिब एक दसकदेखि मलेशियाको लिंकन युनिभर्सिर्टीबाट सम्बन्धनप्राप्त गरी नेपालको शिक्षा मन्त्रालयबाट अनुमतिप्राप्त र त्रिविबाट समकक्षता प्राप्त अन्तराष्ट्रियस्तरको डिग्री संचालन गरिरहेको छ । कलेजमा एमबिएका कक्षा आगामी मार्चदेखि बेलुकीको समयमा पनि संचालन हुने जनाइएको छ ।