पोखरा । नवौं राष्ट्रिय महिला क्रिकेट प्रतियोगिताअन्तर्गत बिहीबार सशस्त्र प्रहरी बलको एपिएफ र मधेश प्रदेश विजयी भएका छन् ।
पहिलो खेलमा एपिएफले गण्डकी प्रदेशलाई र दोश्रो खेलमा मधेश प्रदेशले सुदूरपश्चिम प्रदेशलाई पराजित गर्दै विजयी भएका हुन् ।
पोखरा रंगशालाको क्रिकेट मैदानमा भएको खेलमा एपिएफले गण्डकी प्रदेशलाई ९ विकेटले पराजित गर्यो । गण्डकीले प्रस्तुत गरेको २७ रनको सामान्य लक्ष्य एपिएफले १ सय ६ बल बाँकी रहँदै प्राप्त गर्यो । उसको तर्फबाट सीता रानामगरले ५ बलमा २ चौका प्रहार गर्दै १२ रन जोडिन् । इन्दु बर्माले ३ बलमा २ चौकासहित ९ रन जोडिन् ।
खराब लयबाट गुज्रिएको गण्डकीले पहिला व्याटिङ गर्दै १८.२ ओभरमा सम्पूर्ण विकेट गुमाएर २६ रन बनाएको थियो । गण्डकीका कुनै पनि खेलाडीले दोहोरा आँकडाको योगफल तयार पार्न सकेनन् । श्रृष्टी जैसीले बनाएको ५ रननै गण्डकीको सर्वाधिक बन्न पुग्यो ।
एपिएफको बलिङमा प्लेयर अफ द म्याच इन्दु बर्माले ३ ओभरमा ४ रन खर्चिएर २ विकेट लिइन् । त्यस्तै, सुमन विष्ट, नेरी थापा, निशा भट्ट र सिता रानामगरले १–१ विकेट लिए । गण्डकीका श्रृष्टि जैसीले १ विकेट लिइन् ।
जीतसँगै एपिएफ ग्रुप ‘ए’ को शीर्षस्थानमा पुगेको छ । एपिएफले दुवै खेलमा जीत हासिल गर्दै ४ अंक जोडेको छ ।
विहीबारको दोस्रो खेलमा मधेश प्रदेशले सुदूरपश्चिम प्रदेशलाई १५ रनले पराजित गर्दै विजयी भयो । पहिले व्याटिङ गरेको मधेश प्रदेशले निर्धारित २० ओभरमा ९ विकेट गुमाएर ९१ रनको योगफल तयार गर्यो । ९२ रनको लक्ष्य लिएर मैदानमा उत्रिएको सुदूरपश्चिम प्रदेशले ८ विकेट गुमाएर ७६ रन मात्र बनाएपछि मधेश प्रदेश विजयी भएको हो ।
मधेशका सना प्रविन प्लेयर अफ दी म्याच घोषित भइन् । उनले मधेशका लागि ३५ रनको योगदान दिइन् । त्यस्तै गोमा आलेले १० रन बनाइन् । मधेशका सन्तोषी चौधरी, शान्ति चौधरी र अनुराधा चौधरीले समान २/२ विकेट लिए ।
सुदूरपश्चिमका लागि ऋतु कनौजियाले २७, रुवि पोद्दारले १२ तथा यशोदा विष्टले ११ रनको योगदान दिएका छन् ।
Related News
सम्बन्धित समाचार
सहारा क्लब पोखरालाई वर्ष उत्कृष्ट क्लबको अवार्ड
सिद्ध र कालिका क्रिकेटको फाइनलमा
क्रिकेटमा त्रिभुवन र अमरसिंह विजयी
क्रिकेटमा त्रिभुवन र अमरसिंह विजयी
टी–ट्वान्टी छात्रा क्रिकेट प्रतियोगिता शनिबारदेखि
hero news full width
मुख्य समाचार
पहिले छाती नाप्न गल्ला आउँथे, अहिले एजेन्ट
जग्गाधनीले रोके रुपाताल परियोजनाको काम
वैशाख ३०, २०८१चेक बाउन्सको समस्याले व्यवसायी र प्रहरीलाई हैरान
वैशाख ३०, २०८१मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
वैशाख ३०, २०८१नियन्त्रित मुद्रास्फीति, शोधनान्तर र चालुखाता बचतमा
वैशाख ३०, २०८१फेवाबाट जलकुम्भी हटाउन अभियान सुरु
वैशाख ३०, २०८१