पोखरा । प्रतिनिधिसभा र प्रदेशसभाको प्रत्यक्षतर्फको निर्वाचनमा कास्कीलाई ‘क्लिन स्वीप’ हुनबाट जोगाउने व्यक्ति हुन्, गण्डकी प्रदेशका बहालवाला मन्त्री विन्दुकुमार थापा ।
पोखरा उद्योग वाणिज्य संघ अध्यक्षसमेत भइसकेका थापाले कास्की २ (ख) बाट प्रदेशसभाका लागि टिकट पाएका थिए । उनले निर्वाचन जित्नुको पछाडि धेरै कारण थिए । तीमध्ये एउटा कारण थियो, ‘राज्यबाट पाउने सेवा सुविधा सामाजिक कार्यमा खर्च गर्ने पूर्व उद्घोष ।’
चुनावी एजेण्डासँगै सो प्रणले चुनावमा जित्न सहयोग गरेको उनी आफैं स्वीकार्छन् । व्यावसायिक घरानाबाट राजनीतिमा होमिएका थापाको आर्थिक उपार्जनभन्दा जनताको सेवा मूल ध्येय हो । ‘राजनीति मेरा लागि सेवा हो । पेसाका रुपमा कदापि लिएको छैन,’ मंगलबार प्रेस युनियनले आयोजना गरेको पत्रकार सम्मेलनमा उनले भने, ‘मेरो व्यापार, व्यवसाय अन्य आर्थिक स्रोतले जीविकोपार्जनमा समस्या छैन । तसर्थ राजनीतिमा लागेर आर्थिक उपार्जन गर्नेभन्दा निस्वार्थ जनताको सेवा गर्नु मेरो मूल ध्येय हो । निर्वाचित भएदेखि नै त्यसैमा प्रतिबद्ध छु ।’
४ वर्षअघि प्रदेशसभामा निर्वाचित भएदेखि नै उनले सेवा सुविधावापतको रकम विकास निर्माण र सामाजिक कार्यमा खर्च गर्दै आएका छन् । उनले सांसद सुविधावापत प्राप्त गरेको रकम विकास निर्माण र सामाजिक कार्यमा खर्च गर्ने गरेका हुन् ।
सुरुमा प्रमुख प्रतिपक्षी दलको सदस्य रहेका उनी देशको राजनीतिक घटनाले गठबन्धनको सरकार बनेसँगै २०७८ असार साउन ८ मा कानुन, सञ्चार तथा प्रदेश सभा मामिला मन्त्रालयको जिम्मेवारी पाए । त्यसअघि पनि उनले सांसद तलब भत्ता तथा सेवासुविधा विकास निर्माण र सामाजिक कार्यमा लगाइरहेका थिए ।
राष्ट्र बैंकका पूर्वकर्मचारीसमेत रहेका मन्त्री थापाले दोहोरो सुविधा फिर्ता गर्ने प्रतिबद्धता व्यक्त गरेका छन्
पछिल्लो १४ महिनाको खर्च विवरण मंगलबार पत्रकार सम्मेलनमार्फत् सार्वजनिक गरेका हुन् । सो अवसरमा उनले २०७७ माघदेखि २०७८ फागुन मसान्तसम्म बैठकभत्ता, मासिक पारिश्रमिक र अन्य सुविधावापतको रकम विकास निर्माण र सामाजिक कार्यमा खर्चिएको बताए । सो अवधिमा उनको नामको बैंक खातामा १३ लाख ६६ हजार जम्मा भएकोमा १४ लाख ८६ हजार बराबरको विकास खर्च र सामाजिक कार्य गरेको बताए । ‘यो रकम बैठक भत्तादेखि मासिक पारिश्रमिक र अन्य सेवासुविधा समेतको हो,’ उनले भने, ‘सामाजिक कार्यअन्तर्गत क्यान्सर पीडित, दलित बस्तीमा खानेपानी लगायतमा खर्च गर्दा मलाई आत्मसन्तुष्टी हुने गरेको छ ।’
यसैबीच, मन्त्री थापाले दोहोरो सुविधा फिर्ता गर्ने प्रतिबद्धता व्यक्त गरेका छन् । नेपाल राष्ट्र बैंकका पूर्वकर्मचारीसमेत रहेका उनले पेन्सनसँगै प्रदेशसभा सदस्यवापत पाउने सेवासुविधासमेत गरी दोहोरो सुविधा लिंदै आएका थिए ।
पत्रकारको जिज्ञासामा उनले भने, ‘प्रदेशसभाको सेवासुविधा सुरुदेखि लिएको छु । दोहोरो चाहिं देखिंदैन कि भन्ने भयो, यस विषयमा सुरुमा म सिरियस भइनँ । केही समय दोहोरो लिएको हो, यसलाई कुन तरिकाले कसरी फिर्ता गर्ने भन्नेमा म सिन्सियर नै छु ।’ आफूले राष्ट्र बैंकबाट लिएको सुविधा फिर्ता गर्ने भन्दै थापाले यसबारेमा राष्ट्र बैंकमा कुरा गर्दा कुन प्रक्रियाबाट फिर्ता गर्ने भन्नेमा सल्लाह भइरहेको बताए ।
गण्डकी प्रदेशसभाले २०७४ साल चैत ३० मा प्रदेशसभाका पदाधिकारी तथा सदस्यहरूको पारिश्रमिक र सुविधा सम्बन्धमा व्यवस्था गर्न बनेको विधेयक पारित गरेको थियो । विधेयकको २० नम्बरमा सरकारी कोषबाट निवृतिभरण पाएको व्यक्ति पदाधिकारी वा सदस्यमा निर्वाचित वा मनोनीत भए त्यस्तो पदाधिकारी वा सदस्यले निवृत्तिभरण वा यस ऐनबमोजिमको सुविधामध्ये एउटा सुविधामात्र पाउने उल्लेख छ ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१