नवलपुर । पश्चिम नवलपरासीको बर्दघाट नगरपालिकाले नगरपालिका भित्र रहेको बिरामीको सहजताको लागि भन्दै खरिद गरेको एम्बुलेन्स नगरपालिकाका कर्मचारी र चालकलाई मागी खाने भाँडो भएको छ ।
नगरपालिकाले खरिद गरेर सञ्चालनमा ल्याएको ४ बर्ष बितिसक्दा पनि नगरपालिकाको वडादेखि पालिका कार्यालयसम्म एम्बुलेन्सको आम्दानी विवरण कतै उल्लेख छैन भने एम्बुलेन्स बिग्रिएको भन्दै मर्मतका लागि भने पटक पटक भुक्तानी भएको देखिन्छ ।
त्यसो त नगरपालिकाले एम्बुलेन्स खरिद गर्दै कमिसनको चक्करमा कम गुणस्तरको एम्बुलेन्स खरिद गरेको स्थानीयले आरोपसमेत लगाउने गरेका छन् ।
बर्दघाट नगरपालिकाले खरिद गरेर वडा कार्यालयलाई जिम्मा दिई सञ्चालनमा ल्याएका एम्बुलेन्स अधिकांश समय ग्यारेजमा थन्किएर बस्ने गर्दछ ।
२०७४ सालमा सिप्रदी ट्रेडिङ प्रालिबाट टाटा कम्पनीका ४ वटा एम्बुलेन्स खरिद गरेर २०७५ साल कात्तिकदेखि वडा कार्यालय माताहत रहने गरी नगरपालिकाले वडालाई हस्तान्तरण गरेको थियो ।
जनप्रतिनिधिले निर्णय गरेर खरिद गरेका एम्बुलेन्स उनीहरुको १ कार्यकाल पूरा नहुँदै जीर्ण र पुरानो भएको छ । ४ वटा एम्बुलेन्स मध्ये ३ वटा एम्बुलेन्सको इन्जिनमा पटक पटक समस्या आउने गरेको र मर्मत गरेर काम चलाउने गरिएको छ ।
टाटा कम्पनीका ती गाडी एम्बुलेन्सका लागि उचित नभएको र अहिले फेजआउट भएका गाडीहरु रहेका कारण बढी समस्या आउने गरेको १ जना अटो इन्जिनियरले बताए ।
नगरपालिकाले बर्दघाट क्षेत्रलाई हुने गरी चिसापानी अस्पताललाई मध्यनजर गरेर एउटा एम्बुलेन्स, पञ्चनगर क्लस्टरलाई हुने गरी वडा नम्बर ९ को जिम्मामा रहने गरी एउटा, जहदा क्लस्टरलाई मध्यनगर गरी वडा नम्बर १३ माताहत रहने गरी एउटा र दाउन्नेदेवी क्लस्टरलाई मध्यनजर गरी वडा नम्बर १४ माताहत रहने गरी एउटा गरी ४ वटा एम्बुलेन्स सञ्चालन गर्दै आएको छ ।
नगरपालिकामार्फत सञ्चालन भएका एम्बुलेन्सहरुले के कति आम्दानी गरे र कति खर्च भएको छ भन्ने नगरपालिकामा नियमित रुपमा अपडेट समेत नहुने नगरपालिकाकै कर्मचारी बताउँछन् । अहिलेसम्म कुनै पनि वडाले एम्बुलेन्सले गरेको वास्तविक आम्दानी र खर्च नगरपालिकामा बुझाउन सकेका छैनन् ।
महालेखाले तयार पारेको बर्दघाट नगरपालिकाको प्रतिवेदनमा समेत नगरपालिकाद्वारा खरिद गरी सञ्चालन भएका एम्बुलेन्स जिन्सी खातामा समेत उल्लेख नभएको र हिसाबकिताब नआएको भनी उल्लेख गरेको थियो । एम्बुलेन्सको बारेमा अख्तियार दुरुपयोग अनुसन्धान आयोगले पनि चासो व्यक्त गरेको छ । अख्तियारले एम्बुलेन्ससँग सम्बन्धित सम्पूर्ण कागजात र विवरण उपलब्ध गराउन भनी नगरपालिकालाई पत्राचार गरिसकेको छ ।
नगरपालिकामार्फत सञ्चालन हुँदै आएका बिरामी बोक्ने एम्बुलेन्सहरु समय समयमा बिग्रिएर हैरानी खेप्नुपर्ने अवस्था आएपछि भने एम्बुलेन्सको अवस्थाको बारेमा नगरबासीले चासो व्यक्त गर्ने गरेका छन् । बिरामी बोक्ने एम्बुलेन्स नै आफैं बिरामीजस्तो भएको नागरिकले टिप्पणी गर्ने गरेका छन् ।
Related News
सम्बन्धित समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
hero news full width
मुख्य समाचार
इलाम २ मा सुवासपुत्र सुहाङ नेम्बाङ विजयी
मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१