गण्डकी । पछिल्लो समय पितृ कार्यमा हुने खर्च कटाएर मानवीय सेवामा समर्पित विभिन्न संघसंस्थालाई सहयोग गर्ने सामाजिक भावनाको विकास हुँदै गएको छ । समाजका असहाय, अशक्त, बेसहारा, अनाथ, अभिभावकविहीन, मानसिक तथा शारीरिक रुपमा कमजोर सडक आश्रित मानवको उद्धार एवं पालनपोषणमा सहयोग पुर्याउने लक्ष्यका साथ पितृको स्मरणमा सहयोग गर्ने प्रचलन बढेको हो ।
पोखरा १७ घारीपाटनस्थित म्युजियममार्ग निवासी लक्ष्मी खड्काले आफ्ना स्वर्गीय पति अमरबहादुर खड्काको १५ औं पुण्य तिथिका अवसरमा पोखरास्थित मानव सेवा आश्रम छोरेपाटनमा आश्रितहरुका लागि १ छाक खानाको व्यवस्था गरेकी छन् ।
छोरा यमबहादुर र बुहारी पार्वती खड्कासहित भोजन गराउनका लागि आश्रममा पुगेकी लक्ष्मी खड्काले भनिन् ,‘आकाशलाई छानो र सडकलाई घर बनाएर बस्न बाध्य मानवको उद्धार गरेर उनीहरुको लागि पुनर्जन्म दिने संस्थालाई सहयोग गर्न पाउँदा आत्मसन्तुष्टि मिलेको छ ।’ सो परिवारले १ छाक खाना बराबरको नगद १५ हजार ५ सय रुपैयाँ आश्रमका सहसंयोजक सम्झना बर्तौला र साधिका मनिकला नेपालीलाई हस्तान्तरण गरिन् । आश्रममा हाल ६५ जना महिला तथा बालबालिका आश्रित छन् ।
सो आश्रमबाट १ वर्षअघि ९५ जना बुबाहरुलाई पोखरा २५ हेमजास्थित आश्रममा सारिएको छ भने छोरेपाटन आश्रममा हाल महिला र आश्रित बालबालिका सहित ६५ जना रहेको सहसंयोजक बर्तौलाले जानकारी दिइन् ।
‘२ छाक खानाभन्दा पनि आमा र बालबालिकाको औषधी उपचारमा बढी खर्च हुने गरेको छ,’ उनले भनिन्,‘ ‘सडकबाट उद्धार गरिएका अधिकांश आमाहरु मानसिक रोगी हुनुहुन्छ, औषधीमा मात्र मासिक ५० देखि ६० हजार रुपैयाँ खर्च हुने गरेको छ ।’
संस्थाले आश्रम सञ्चालनका लागि हालै सञ्चालन गरेको भोजनका लागि भजन सन्ध्या कार्यक्रमबाट ६ लाख रुपैयाँभन्दा बढी आर्थिक संकलन भएको आश्रमका केन्द्रीय कोषाध्यक्ष एवं गण्डकी प्रदेश प्रमुख होमनाथ तिमिल्सिनाले जानकारी दिए । उनका अनुसार आश्रममा आबद्धहरुको १ छाक खानाका लागि १५ हजार ५ सय, विशेष खानाको लागि २२ हजार ५ सय र १ दिनको खानाको लागि ३५ हजार ५ सय रुपैयाँको व्यवस्था गरिएको छ ।
२०७४ साल चैत १७ गते पोखरा र आसपासमा कष्टकर जीवन बिताउन बाध्य २३ जना सडक मानवको उद्धार गरी सञ्चालन गरिएको आश्रमले हालसम्म ८ सय २६ जनालाई सेवा प्रदान गरेको उनले बताए । हालसम्म २ सय ६२ जनालाई पारिवारिक पुनर्मिलन, उपचारपश्चात् स्वैच्छाले ३ सय ५ जना घर फर्किएकोे, ५१ जनालाई अन्य शाखामा स्थान्तरण गरिएको छ । आश्रमको संरक्षणमा रहँदा ५८ जना आमाबुबाको निधन भएको आश्रमले जनाएको छ ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१