वालिङ । वालिङ ८, वडा कार्यालयले वडाभित्रका सामुदायिक विद्यालयमा सचेतना कार्यक्रम सञ्चालन गर्ने अभियानअन्तर्गत बुधबार २ विद्यालयमा कार्यक्रम गरेको छ ।
शैक्षिक गुणस्तर वृद्धि गर्ने मुख्य उद्देश्यसहित अमिलीथुम आधारभूत विद्यालय र गह«ौंकालिका आधारभूत विद्यालयका व्यवस्थापन समिति, शिक्षक र अभिभावकबीचमा सचेतना तथा अन्तक्र्रिया कार्यक्रम गरिएको हो ।
अमिलीथुममा आयोजित सचेतना कार्यक्रममा बोल्दै वडा अध्यक्ष कमलप्रसाद सुवेदीले वडाभित्रका सबै सामुदायिक विद्यालयहरुमा यो कार्यक्रम सञ्चालन गरेको जानकारी दिए । उनले शिक्षाको गुणस्तरीयतामा जोड दिन अभियानरुपमा अगाडि बढिएको बताए ।
कार्यक्रममा कार्यपालिका सदस्य युगमाया पंगेनी, वडा सदस्य चेतनारायण श्रेष्ठ, वडा सचिव प्रेमनारायण सुवेदी, अमिलीथुम आधारभूत विद्यालय व्यवस्थापन समिति अध्यक्ष शंकर सुवेदी, पूर्व अध्यक्ष ध्रुवराज उपाध्याय लगायतले शैक्षिक गुणस्तर वृद्धिबारे आ–आफ्नो धारणा राखेका थिए । सो अवसरमा बालमनोविज्ञ रामचन्द्र केसीले प्रशिक्षण दिएका हुन् ।