पोखरा । पोखरामा आयोजित विद्यालयस्तरीय सडक दौडमा छात्रतर्फ भद्रकाली माविका वसन्त विक र छात्रातर्पm धम्पुस माविकी वीनु विक च्याम्पियन भएका छन् ।
अन्तर्राष्ट्रिय बाल दिवस अवसरमा जिल्ला खेलकुद विकास समिति कास्कीले शनिबार आयोजना गरेको प्रतियोगितामा छात्रतर्फ निर्धारित ३ किमीको दूरी वसन्तले १३.११ मिनेटमा पूरा गर्दै प्रथम भएका हुन् । उनले १० हजार प्राप्त गरे । यस्तै, कालिका माविका पवन क्षत्री दोस्रो, निशान पुन तेस्रो र टप्सका आशीष राना चौथो भए ।
छात्रातर्फ निर्धारित सो दूरी १८.९ मिनेटमा पूरा गरेकी वीनुले प्रथम हुँदै पुरस्कारस्वरुप १० हजार प्राप्त गरिन् । यस्तै, उदय माविकी ऋतु भण्डारी, भद्रकालीकी बालकुमारी विक र शिद्धकी सोनिका परियार क्रमशः दोस्रो, तेस्रो र चौथो भए । दुवै इभेन्टमा दोस्रो, तेस्रो र चौथोलाई जनही ७, ५ र २ हजारसहित मेडल, ट्रफी र प्रमाणपत्र प्रदान गरिएको थियो ।
पर्यटकीयस्थल लेकसाइड खहरेबाट सुरु दौड प्याराग्लाइडिङ ल्यान्डिङ क्षेत्र खपौंदी पुगेर समापन भएको थियो । कास्कीका २५ विद्यालयको प्रतिनिधित्व हुने गरी छात्रतर्फ ३ सय ५० र छात्रातर्फ १ सय ५० जनाले भाग लिएका थिए ।
विजयीलाई गण्डकी प्रदेशका निवर्तमान अर्थमन्त्री किरण गुरुङ, राखेप बोर्ड सदस्य राजेशकुमार गुरुङ, प्रदेश खेलकुद परिषद्का सदस्य सचिव तेजबहादुर गुरुङ लगायतले पुरस्कार वितरण गरे । सो अवसरमा निवर्तमान अर्थमन्त्री गुरुङले शारीरिक तन्दुरुस्तीका लागि खेलकुद अपरिहार्य रहेको बताउँदै यसप्रकारका प्रतियोगिताले खेलाडी उत्पादनमा सहयोग पुग्ने बताए । प्रतियोगितामा प्रदेश खेलकुद परिषद्, गण्डकीसहित विभिन्न संघसंस्था तथा व्यक्तिले सहयोग गरेका थिए ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१