पोखरा । पोखरामा जारी ‘ए’ डिभिजन फुटसल लिगअन्तर्गत सोमबारको खेलमा फुटसल फाइभ, प्रभातफेरी र स्पोट्र्स क्यासल विजयी भए ।
पहिलो खेलमा फुटसल फाइभ धरानले रुपन्देहीको झरना स्पोर्टस् क्लबलाई ९–५ गोलअन्तरले हरायो । धरानको जीतमा म्यान अफ दि म्याच सन्दीप कार्कीले ४, रञ्जित गुरुङले २ सहित नीरभ खड्का, सुजन खड्का र विश्वजीत राईले १/१ गोलको योगदान दिए । झरना स्पोर्टस्का लागि नारायण खड्काले ह्याट्रिक र गंगा गुरुङले २ गोल गरे पनि हार टार्न सकेनन् । धरान जीतसँगै पाचौं स्थानमा रहेको छ भने झरना लिगको पुछारमा छ ।
दिनको दोस्रो खेलमा काठमाडौंको प्रभातफेरीले रुपन्देहीको लुम्बिनी फुटसल हबलाई ६–१ गोलअन्तरले पराजित गरेको छ । प्रभातफेरीको जीतमा म्यान अफ दि म्याच विशाल सारुमगर, आशीष दंगाल, धीरज जोशी, सृजेश पुरी, सुविल श्रेष्ठ र सन्तलाल गुरुङले १/१ गोलको योगदान दिए । रुपेन बराइलीले लुम्बिनीका लागि सान्त्वता गोल फर्काए । लिगको पाचौं खेलसम्म ३ जीत र २ बराबरीसहित ११ अंकसाथ प्रभातफेरी दोस्रो स्थानमा छ । लुम्बिनी नवौं स्थानमा छ ।
दिनको तेस्रो तथा अन्तिम खेलमा मछिन्द्र स्काई गोल्सलाई ८–३ गोलअन्तरले पराजित गर्दै स्पोर्ट्स क्यासल शीर्ष स्थानमा उक्लिएको छ । स्पोर्ट्स क्यासलको जीतमा खिमराज गुरुङ र सुमित श्रेष्ठले २/२ गोल गरे । दीपेश घले, किशोर गुरुङ, विजय गुरुङ र भीषन गुरुङले १/१ गोलको योगदान दिए । स्काई गोल्सका लागि रोशन अधिकारी र मनोज राईले १/१ गोल फर्काए । स्पोर्ट्सका योगेश गुरुङले आत्मघाती गोल गरे ।
सोमबारको खेलमा जीतसँगै शीर्षस्थानमा उक्लिएको स्पोर्ट्स क्यासलले ५ खेलमा १३ अंक जोडेको छ । स्काई गोल्स ५ खेलमा ६ अंक जोडेर छैटौं स्थानमा छ । प्रतियोगितामा स्पोर्ट्स क्यासलका सुरुज गुरुङ म्यान अफ दि म्याच चुनिए ।
१० टिमले भाग लिएको लिग असोज २२ मा सकिने छ । विजेताले १० लाख र उपविजेताले ५ लाख पाउने एन्फाले जनाएको छ । यस्तै उत्कृष्ट गोलकिपर, उत्कृष्ट विंगर, डिफेन्डर, प्रशिक्षक र इमर्जिङ खेलाडीले समान २५ हजार प्राप्त गर्न छन् ।
Related News
सम्बन्धित समाचार
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१