पोखरा । सिद्धार्थ क्लबले क्लब स्थापनाको ३७ औं वार्षिकोत्सव अवसरमा अपांगता भएका व्यक्तिहरुलाई राहत वितरण गरेको छ ।
क्लब अध्यक्ष पार्वती माकाजूले क्लबले कोरोना भाइरस महामारीले अपांगता भएका व्यक्तिहरुको दैनिक जीवनमा ल्याएको असहजता मध्यनजर गरी राहत सहयोग गरेको बताइन् । उनले क्लबले आगामी दिनमा पनि स्थानीय निकाय र अन्य संघसंस्थाको सहकार्यमा सामाजिक गतिविधिमा अग्रसर रहने प्रतिबद्धता जनाइन् ।
क्लब सचिव इन्दिरा मर्सानी श्रेष्ठले सञ्चालन गरेको कार्यक्रममा २२ जना अपांगता भएका व्यक्तिलाई चामल, दाल, मस्यौरा, नुन, तेल, चना, चिउरा प्रदान गरिएको थियो ।