पोखरा । गण्डकी प्रदेशमा थप १ सय ७३ जनाले कोरोना जितेका छन् । बुधबार ३ सय ७७ जनाले कारोना जिते पनि बिहीबार भने त्यो संख्या घटेको हो । योसँगै प्रदेशमा कोरोना निको हुनेको संख्या ५६ हजार ६ सय ९६ पुगेको छ ।
प्रदेशमा बिहीबार ३ सय ६० जना संक्रमित थपिए । बुधबार संक्रमितभन्दा निको हुने संख्या धेरै भए पनि बिहीबार संक्रमित बढे । प्रदेशमा १ हजार १ सय जनाको नमुना परीक्षणमा ३२.७२ प्रतिशतमा पोजेटिभ देखिएको हो । कास्कीका १ सय ८२ सहित म्याग्दीका ५, पर्वतका १, गोरखाका ३९ र लमजुङका ९ जनामा कोरोना संक्रमण देखिएको हो । यसैगरी तनहुँमा १७, बागलुङमा २६, स्याङ्जामा २१ जना र नवलपुरमा ६० जनालाई कोरोना संक्रमण भएको हो । मनाङ र मुस्ताङ बाहेक प्रदेशका ९ जिल्लामा १ सय ८३ पुरुष तथा १ सय ७७ जना महिलामा कोरोना पुष्टि भएको हो ।
योसँगै प्रदेशमा संक्रमितको कुल संख्या ६० हजार ५ सय १९ पुगेको छ । नेपालमा १ हजार ७ सय ८२ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार ८ हजार २ सय ५६ पिसिआर परीक्षणमा बिहीबार थप १ हजार ७ सय ८२ जनामा संक्रमण पुष्टि भएको हो । यस्तै एन्टिजेन विधिद्वारा गरिएको ४ हजार ५ सय १२ परीक्षणबाट ८ सय ९४ मा संक्रमण देखिएको छ । २४ घण्टामा पिसिआर र एन्टिजेन विधिबाट गरिएको १२ हजार ७ सय ६८ परीक्षणमा २ हजार ६ सय ७६ जनामा संक्रमण पुष्टि भएको मन्त्रालयले जनाएको छ । योसँगै नेपालमा कोरोना संक्रमण हुनेको संख्या ६ लाख ६२ हजार ५ सय ७० पुगेको छ । पछिल्लो २४ घण्टामा थप १ हजार ७ सय ५७ संक्रमणमुक्त भएका छन् । हालसम्म नेपालमा कोरोनामुक्त हुनेको संख्या ६ लाख २६ हजार ४ सय ६८ पुगेको छ ।
६ जनाको मृत्यु
कोरोना संक्रमणबाट गण्डकीमा थप ६ जनाको मृत्यु भएको छ । बुधबार मृत्यु हुनेको संख्या शून्य रहेकोमा बिहीबार एक्कासि बढेर ६ पुगेको हो । नवलपुरका ३ सहित कास्की, पर्वत र स्याङ्जाका १/१ जनाको ज्यान गएको हो ।
नवलपुरको मध्यविन्दु नगरपालिका ८ का ५० वर्षीय पुरूषको चोरमारा प्राथमिक स्वास्थ्य केन्द्रमा उपचार क्रममा मृत्यु भएको हो । मध्यविन्दु १ का ६७ वर्षीय पुरूषको भरतपुर अस्पतालमा निधन भएको हो । देवचुली नगरपालिका १३ की ५४ वर्षीया महिलाको मध्यविन्दु अस्पतालमा ज्यान गएको छ ।
यसैगरी, पोखरा महानगरपालिका ८ की ५५ वर्षीया महिलाको पोखरा स्वास्थ्य विज्ञान प्रतिष्ठानमा, पर्वतको कुश्मा नगरपालिका ४ की ३१ वर्षीया महिलाको चरक मेमोरियल अस्पतालमा र स्याङ्जाको वालिङ नगरपालिका ११ का ३४ वर्षीय पुरूषको पोखरा स्वास्थ्य विज्ञान प्रतिष्ठानमा ज्यान गएको छ ।
योसँगै प्रदेशमा कोरोनाबाट मृत्यु हुनेको संख्या १ हजार १४ पुगेको छ । नेपालमा कोरोना संक्रमणबाट थप ३३ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार ४ सय ६३ पुगेको छ ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१