पोखरा । गण्डकी प्रदेशमा कोरोना संक्रमितमध्ये सोमबार ६ सय ५५ जना निको भएका छन् । अघिल्लो दिनको तुलनामा निको हुनेको संख्या बढेको छ । आइतबार ५ सय ५८ जना निको भइ घर फर्किएका थिए । योसँगै प्रदेशमा संक्रमणमुक्त हुनेको संख्या ४८ हजार ४ सय २९ पुगेको छ ।
गण्डकीमा सोमबार थप २ सय ७७ मा संक्रमण पुष्टि भएको छ । संक्रमित हुनेको संख्या पनि केही बढेको छ । आइतबार १ सय १६ जना संक्रमित भेटिएका थिए । गण्डकीमा सक्रिय संक्रमितको संख्या हाल ३ हजार ३ सय ६७ छ । जसमध्ये २ हजार ९ सय ९१ जना होम आइसोलेसनमा छन् ।
सोमबार संक्रमित हुनेमा कास्कीका १ सय ३५, स्याङ्जाका ३४, नवलपुरका ३० र तनहुँका २४ जना छन् । मनाङ र मुस्ताङमा संक्रमितको संख्या शून्य रहँदा गोरखामा १८ सहित लमजुङमा १७ संक्रमित छन् । त्यसैगरी पर्वतमा ८, बागलुङमा ७ सहित म्याग्दीमा ४ जनामा कारोना संक्रमण भएको छ ।
देशभर १ हजार ५ सय ८४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार विभिन्न जिल्लामा गरिएको ६ हजार ५ सय ८३ पिसिआर परीक्षणमा १ हजार ५ सय ८४ जनामा कोरोना पुष्टि भएको हो । यसैगरी, ४ हजार ३ सय २१ एन्टिजेन परीक्षणमा ७ सय १३ जनामा कोरोना संक्रमण देखिएको छ । पिसिआर र एन्टिजेन परीक्षणबाट कुल २ हजार २९७ जनामा संक्रमण पुष्टि भएको मन्त्रालयले जनाएको छ । योसँगै नेपालमा पिसिआर परीक्षणमा कोरोना देखिनेको संख्या ६ लाख २२ हजार ६ सय ४० पुगेको छ ।
प्रदेशमा कोरोनाबाट ज्यान गुमाउनेको संख्या हालसम्म ८ सय ९५ पुगेको छ
यस्तै, गएको २४ घन्टामा ३ हजार १ सय ३० जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ५ लाख ५९ हजार ९ सय २८ पुगेको छ ।
यसैबीच, गण्डकीमा सोमबार कोरोना संक्रमणबाट ६ जनाको मृत्यु भएको छ । तीमध्ये कास्कीका ३ सहित लमजुङ, स्याङ्जा र म्याग्दीका १/१ जना छन् ।
पोखरा महानगरपालिका १० का ९८ वर्षीय पुरुषको मणिपाल शिक्षण अस्पतालमा उपचारको क्रममा मृत्यु भएको हो । पोखरा ८ की महिलाको फिस्टेल अस्पताल पोखरामा उपचारको क्रममा निधन भएको हो । पोखरा १३ का ६४ वर्षीय पुरुषको मणिपाल अस्तालमा उपचारको क्रममा ज्यान गएको हो ।
यसैगरी, लमजुङको मध्यनेपाल नगरपालिका ४ का ५५ वर्षीय पुरुषको पोखरा स्वास्थ्य विज्ञान प्रतिष्ठानमा उपचारको क्रममा निधन भएको छ । स्याङ्जाको पुतली बजार नगरपालिका २ का ५९ वर्षका कोरोना संक्रमित पुरुषको पनि पोखरा स्वास्थ्य विज्ञान प्रतिष्ठानमा ज्यान जाँदा म्याग्दीको अन्नपूर्ण गाउँपालिका ३ मा ५२ वर्षका पुरुषको बेनी अस्पताल, म्याग्दीमा मृत्यु भयो ।
योसँगै प्रदेशमा कोरोनाबाट ज्यान गुमाउनेको संख्या ८ सय ९५ पुगेको छ । देशभर गरी थप ४६ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ८ हजार ७ सय ७२ पुगेको छ ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
माटो सुहाउँदो खेती गरे विदेशिनु पर्दैन : प्रमुख घर्ती
गण्डकीमा संविधान भर्सेज सर्वोच्च
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१