पालुङटारमा रोग प्रतिरोधात्मक क्षमता बढाउने औषधी सहयोग

आदर्श समाज सम्वाददाता
जेठ २२, २०७८
Palungtar News Photo

पोखरा  । नेपाल आयुर्वेद औषधी व्यवसायी संघ र नेपाल आयुर्वेद स्वास्थ्यकर्मी समाज गण्डकीले संयुक्त रुपमा गोरखाको पालुङटार नगरपालिका मातहतको आयुर्वेद औषधालयलाई औषधी सहयोग गरेका छन् ।

आयुर्वेद तथा वैकल्पिक चिकित्सा विभागको कोभिड–१९ को मान्यताअनुसार औषधी औषधालय शाखा प्रमुख हितकाजी श्रेष्ठ, उपमेयर पम्फा बसेल र प्रमुख प्रशासकीय अधिकृत तेजराज शर्मालाई औषधी हस्तान्तरण गरिएको हो ।

नगरभित्रका संक्रमितको रोग प्रतिरोधात्मक क्षमता बढाउन सहयोग पु¥याउने गुण भएका औषधी उपलब्ध गराइएको स्वयंसेवक उपसमिति संयोजक कृष्ण राउतले जानकारी दिए । गुड्ची चुर्ण, यष्टिमधु चुर्ण, त्रिकटु चुर्ण मिश्रण गरी खल विधिबाट तयार गरिएको आयुर्वेद औषधीले रोग प्रतिरोधात्मक क्षमता बढाउन मद्दत पुग्ने संघका सचिव एवं आयुर्वेद चिकित्सकीय परामर्श उपसमिति संयोजक डा दीपक भुसालले दाबी गरे ।

संघले गण्डकी प्रदेशमा अग्रपंक्तिमा खटिने सुरक्षाकर्मी, स्वास्थ्यकर्मी, सञ्चारकर्मी र विपन्न नागरिकका लागि आयुर्वेद औषधी निशुल्क वितरण गरिरहेको अध्यक्ष राजुकुमार पौडेलले जानकारी दिए ।

आयुर्वेद स्वास्थ्यकर्मी समाज गण्डकी अध्यक्ष प्रकाश क्षेत्रीले आयुर्वेद व्यवसायीसँगको समन्वयमा सकारात्मक अभियान थालनी गर्न पाउँदा खुसी लागेको बताए ।

संघको सहयोगप्रति पालुङटार नगरपालिकाका मेयर दीपकबाबु कँडेलले धन्यवाद व्यक्त गरे ।

नगरपालिका उपमेयर पम्फा बसेलले संक्रमितलाई औषधीसँगै मनोपरामर्श सेवा पनि आश्वयक महसुस गरेको सुनाइन् ।

कार्यक्रममा नगरपालिकाका प्रमुख प्रशासकीय अधिकृत तेजराज शर्मा, संगम आयुर्वेद फर्मा डुम्रेका सञ्चालक सुवास थापा, स्पर्श आयुर्वेद अस्पताल पोखराका गजेन्द्र थापा, संघका कोषाध्यक्ष रमेश चापागार्इं, पालुङटार आयुर्वेद औषधालयका प्रमुख तथा वरिष्ठ कविराज निरीक्षक हितकाजी श्रेष्ठ लगायत उपस्थित थिए ।

संघले सचिव डा दीपक भुसालको संयोजकत्वमा प्रदेशभित्र संक्रमितको स्वास्थ्य अवस्था र मनोबल मजबुद बनाउन स्वास्थ्य परामर्श सेवासमेत सञ्चालन गरेको जनाएको छ ।

Related News

सम्बन्धित समाचार

    • गण्डकीमा कोरोना फ्रन्टियर सर्वोत्कृष्ट सेवा पुरस्कार   

      आदर्श समाज सम्वाददाता असार ८, २०७८
      गण्डकी ।  गण्डकी प्रदेशमा कोरोना नियन्त्रणका लागि अग्रङ्ंक्तिमा रही उत्कृष्ट सेवा प्रदान गर्ने स्वास्थ्यकर्मीहरूलाई “कोरोना फ्रन्टियर सर्वोत्कृष्ट सेवा पुरस्कार” को…
    • स्याङजामा थपियो एकसाता निषेधाज्ञा

      आदर्श समाज सम्वाददाता असार ८, २०७८
      स्याङ्जा । स्याङ्जामा निषेधाज्ञा एक साता थप भएको छ । सोमबार १२ बजेदेखि सकिँदै गरेको निषेधाज्ञालाई पुनः १५ गते सम्मका…
    • शिशुवा कोभिड अस्पताललाई खाट सहयोग

      आदर्श समाज सम्वाददाता असार ८, २०७८
      पोखरा । पोखरा उद्योग वाणिज्य संघ र फर्निचर तथा फर्निसिङ व्यवसायी संघले शिशुवास्थित कोभिड अस्पताललाई १५ वटा खाट सहयोग गरेको छ…
    • विपन्न तथा अपांगता भएकालाई असल छिमेकीको राहत

      आदर्श समाज सम्वाददाता असार ८, २०७८
      पोखरा । असल छिमेकी नेपाल, पोखराले कोरोना महामारीको बेला जारी निषेधाज्ञाले समस्यामा परेका व्यक्तिलाई खाद्यान्न सहयोग गरेको छ । संस्था…
    • ६५५ कोरोनामुक्त, ६ को मृत्यु

      आदर्श समाज सम्वाददाता असार ८, २०७८
      पोखरा । गण्डकी प्रदेशमा कोरोना संक्रमितमध्ये सोमबार ६ सय ५५ जना निको भएका छन् । अघिल्लो दिनको तुलनामा निको हुनेको…

    hero news full width

    sanil ads

    wordlink ads