हेमजा । कोरोना भाइरस (कोभिड १९)को बढ्दो संक्रमणलाई ख्याल गर्दै पोखरास्थित विन्ध्यवासिनी मन्दिरमा बेहुला, बेहुलीबाहेक बढीमा ४ जना जन्ती सहभागी गराई बिहे गर्न थालिएको छ ।
वैैशाख ९ गतेदेखि यस्तो नियम बसालिएको हो । त्यसैमाथि स्वास्थ्य मापदण्ड भने पूर्ण पालना गर्नुपर्नेछ । बढ्दो संक्रमणका कारण मन्दिर परिसर बन्द गरिएको भए पनि वैशाख लगनको महिना परेकाले बाध्यकारी अवस्थामा १५÷२० मिनेटभित्रै बिहे सक्ने गरी व्यवस्थ्था गरिएको विन्ध्यवासिनी धार्मिक क्षेत्र विकास समितिका कार्यालय सचिव नवराज तिमिल्सिनाले जानकारी दिए ।
‘कसैले बोलाएर होइन, बिहे गर्ने भनेर गेटमा आइहाल्नुहुन्छ, मन्दिर बन्दबारे सूचना हेर्ने र जिंगल पनि सुन्नुहुन्छ तर अन्त्यमा फोन गरेर जसरी पनि बिहे गराइदिनु पर्यो भन्दै अनुनय विनय गर्नुहुन्छ,’ तिमिल्सिनाले सुनाए ।
बरु मन्दिरमा थोरै जान्छौं, जसरी भए पनि बिहे गर्नैपर्ने छ भन्दै विभिन्न परिस्थिितिजन्य घटना सुनाएर आग्रह गरेपछि मानवीय र धार्मिक दुबै हिसाबले छोटो समयमा विवाह गरिदिने गरेको उनले स्पष्ट पारे ।
स्याङ्जा अर्जुनचौपारीका विशाल रोका र पोखरा २६ की एलिसा रानाभाटबीच शनिबार विवाह सम्पन्न भयो । मन्दिरमा सामान्य अवस्थामा लगनका बेला दैनिक ५०/६० जोडीको बिहे हुने गर्दथ्यो । तर अहिले भने छिटपुटमात्रै हुँदै आएको छ । नित्य पूजाआजा भने रोकिएको छैन । पण्डित र कर्मचारी गरी कुल ३५ कार्यरत रहेकोमा यसबीचमा कसैलाई पनि बिदा दिइएको छैन ।
बढ्दो संक्रमणका कारण मन्दिर बन्द गरिएपछि मर्मतको काम भने सुरु गरिएको छ । जसअन्तर्गत यतिबेला पूर्वपट्टिको सिँढीमा टिपकार लगाउने, बगैंचा सफा गर्ने र मन्दिरको दक्षिणतर्फ पोखरा बागलुङ राजमार्ग स्तरोन्नति गर्दा भत्किएको शौचालय र बाथरुम फेरि निर्माण भइरहेको छ ।
Related News
सम्बन्धित समाचार
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१