पर्वत । पर्वतको पैयुँ गाउँपालिका–६ सरौंखोलास्थित डाँडाकाहुँका आगलागी पीडितलाई राहत वितरण गरिएको छ । गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले शनिबार प्रदेश सरकारको तर्फबाट तत्कालका लागि पीडितलाई प्रति घर १० हजार रुपैयाँ, टेन्ट हाउस, त्रिपाल लगायत सामग्री प्रदान गरे ।

आगलागी पीडितको साथमा प्रदेश सरकार रहेको भन्दै मन्त्री लम्सालले थप सहयोगका लागि आफूले पहल गर्ने प्रतिबद्धता जनाए । गर्मी बढिरहेको तथा हुरी बतास चल्न सुरु भएको यस समयमा विगत केही दिनदेखि प्रदेशका वन जंगलहरुमा डढेलो तीब्र रुपमा फैलिएकोले सजक हुन मन्त्री लम्सालले आग्रह गरे ।

खडेरीको मौसममा वनमा डढेलो लागी बस्तीमा आगो फैलिँयो भने जनधनको क्षति हुनुका साथै वन पैदावार, वन्यजन्तु तथा पंक्षीसमेतलाई हानी–नोक्सानी पु¥याइ समग्र वातावरणमा नकारात्मक असर पर्ने उनको भनाइ थियो ।

शुक्रबार दिउँसो साढे २ बजे जंगलमा लागेको डढेलो डाँडाकाहुँको बस्तीमा पस्दा ५ घर र १२ गोठ जलेर नष्ट भएको थियो । आगलागीबाट स्थानीय शेरबहादुर गौतम, नमप्रसाद सापकोटा, रेशमलाल गौतम, रेशमलाल सापकोटा र जयकला सापकोटाका घर जलेका छन् ।

स्थानीय खड्कप्रसाद गौतम, एकनारायण गौतम, चोलाकान्त सापकोटा, छविलाल गौतम, उमेश गौतमको घरमा समेत आगलागीले क्षति पु¥याएको छ । १२ गोठ जलेको र भैंसी, गोरु र बाख्रासमेत मरेको प्रहरीले जनाएको छ ।