पोखरा । भूतपूर्व खेलाडी मञ्च नेपालको आयोजनामा पोखरामा १५ औं पोखरा अन्तर्राष्ट्रिय म्याराथन प्रतियोगिता हुँदैछ । सोको लागि आयोजकले आवश्यक तयारी तीव्र पारिरहँदा मुख्य प्रायोजक सुजल डेरी प्रालिले प्रतियोगिता समग्र पोखराकै चिनारी भएकोले सफल पार्न सम्पूर्ण आग्रह गरेको छ ।
स्वास्थ्यसँग सम्बन्ध राख्ने सफल दूधले पोखरावासीको स्वास्थ्य र खेलको सम्बन्धलअझ प्रगाढ बनाउने विषयमा कम्पनी विश्वस्त रहेको विज्ञप्तिमा उल्लेख छ । कम्पनीले प्रतियोगितालाई सुरुआतदेखि नै मुख्य प्रायोजन गर्दै आएको हो ।
मंगलबार जारी विज्ञप्तिमा भनिएको छ, ‘सुरुआतदेखि नै प्रायोजन गर्दै आएको सफल दूधले उपभोक्ताको स्वास्थ्यप्रतिको विश्वासलाई कायम गर्न साथै पोखरावासीको मन जित्न सफल यस्तो कार्यक्रम आयोजना गरेकोमा गौरवन्वित महसुस गरेको छ । यसले पोखरा र पोखरावासीको गरिमा अन्तर्राष्ट्रियरुपमा चिनाउँदै आएको छ ।’
अन्तराष्ट्रियस्तरको सिटी म्याराथन अवधारणा अनुरुप मञ्चले सन् २००२ देखि म्याराथन प्रतियोगिता आयोजना गर्दै आएको हो । जसमा पोखराकै प्रतिष्ठित औद्योगिक प्रतिष्ठान सुजल डेरी प्रालिको सफल दूधको मुख्य प्रायोजन रहँदै आएको छ ।
कोभिड प्रभावलाई मध्यनजर गर्दै यस संस्करणमा विभिन्न विधा छुट्टाछुट्टै दिनहरुमा गर्ने गरी विभाजन गरिएको आयोजकले जनाएको छ । जसअनुरुप फागुन १ देखि सुरु हुने प्रतियोगितामा पहिलो दिन ४२.१९५ किमी म्याराथन र महिला हाफ म्याराथन हुनेछ । यस्तै ह्वीलचेयर र दृष्टिविहीन रेस फागुन २२ मा, १० किमी महिलापुरुष दौड चैत १४ मा र ५ किमी छात्रछात्रा दौड २०७८ वैशाख ४ गते हुनेछ ।
खु्ला म्याराथन उपाधि जित्ने धावकले २ लाख रुपैयाँ प्राप्त गर्ने छन् । यस्तै दोस्रोले १ लाख, तेस्रोले ७५ हजार र सान्त्वनाले २५ हजार रुपैयाँ पाउने छन् । महिलातर्फ हाफ म्याराथनमा प्रथम, द्वितीय, तृतीय र सान्त्वनाले क्रमशः १ लाख, ७५ हजार, ५० हजार र १५ हजार रुपैयाँ प्राप्त गर्ने छन् । १० किमी पुरुष र महिला दौडमा प्रथम, द्वितीय र तृतीयले क्रमशः १५ हजार, १० हजार र ५ हजार रुपैयाँ पाउने छन् ।
Related News
सम्बन्धित समाचार
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१