पोखरा, ७ पुस । नेपाली कांग्रेस संसदीय दल गण्डकीले अहिले नै सरकार विरुद्ध अविश्वासको प्रस्ताव ल्याउने कुनै निर्णय नभएको बताएको छ । मंगलबार दलको बैठक बसेर राजनीतिक घटनाक्रमको विरोध गर्ने भन्दै अहिले सरकारमा सहभागिताको कुनै अगुवाई नगर्ने बताएको हो ।
‘गण्डकी प्रदेश नेपाली कांग्रेस संसदीय दलले सरकार निर्माणमा सहभागिता जनाउने, अविश्वासको प्रस्ताव पेस गर्ने लगायत कुनै राजनीतिक निर्णय नगरेको जानकारी गराउँदछौं,’ जारी विज्ञप्तीमा भनिएको छ ।
बैठकले पछिल्लो राजनीतिक घटनाक्रमबारे छलफल गरेको छ । प्रतिनिधिसभा विघटन गर्नु नेपाली जनताको स्थायी सरकार र विकासको लागि दिएको जनमतको घोर अपमान र संविधानको ठाडो उलंघन भएको आरोप लगाउँदै यसको घोर भत्र्सना गर्ने निर्णय गरिएको छ ।
कांग्रेसले जनता समाजवादी पार्टीसँग मिलेर विशेष अधिवेसन माग गरिसकेको छ । अधिवेसन सुरु भएपछि संसदबाट नै संसद विघटनको विरोध गर्ने निर्णय भएको कांग्रेस गण्डकीका प्रवक्ता प्रकाशचन्द्र दवाडीले बताए ।
‘पार्टीको केन्द्रीय समितिले जे निर्देशन गर्छ । सोही अनुसार कार्यान्वयन हुन्छ,’ उनले भने, ‘सरकारमा जाने वा नजाने भन्ने विषयमा आधिकारिक निर्णय भएको छैन ।’ यद्यपी कांग्रेसभित्रै माओवादी र साना दललाई साथ लिएर मुख्यमन्त्री विरुद्ध अविश्वासको प्रस्ताव ल्याउने बारे पनि आन्तरिक छलफल भैरहेको छ । माओवादी भने हिउँदे अधिवेसन लाग्ने वित्तिकै अविश्वास दर्ता गराउने पक्षमा छ ।
‘विशेष अधिवेसन पनि हुन सक्छ । तर घटनाक्रमको टुंगो लागोस् अनि निर्णय लिउँला,’ पूर्व माओवादी तर्फका सांसद रामजी बरालले भने, ‘आन्तरिक रुपमा साथीहरुसँग छलफल भैरहेको छ । अरु पार्टीसँग पनि कुरा गरेको छु ।’
Related News
सम्बन्धित समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
hero news full width
मुख्य समाचार
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१