पोखरा । नेपाल अर्वुदरोग निर्वारण संस्था कास्की शाखाको २० औं शाखा सभा तथा १४ औं अधिवेशनबाट निर्वाचित पदाधिकारीको पदस्थापन भएको छ । नव निर्वाचित सभापति प्रेमबहादुर भुजेलको अध्यक्षतामा मंगलबार बसेको बैठकले शाखाको विद्यान अनुसार पदाधिकारीहरुको कार्य विभाजन गरेको छ । नवनिर्वाचित समितिको पदस्थापन समेत सोही अवसरमा भएको छ ।

समितिको निवर्तमान सभापतिमा रामचन्द्र थापा, उपसभापतिमा नारायण पराजुली, विश्वमोहन अधिकारी, सचिवमा डिल्लीप्रसाद शर्मा, कोषाध्यक्षमा रघुनाथ अधिकारी, सह–सचिवमा सरस्वती अधिकारी, सह–कोषाध्यक्षमा कृष्ण मानान्धर चयन भएका छन् ।

सदस्यमा शान्तकुमार श्रेष्ठ, तीर्थबहादुर बस्नेत, सुर्वण कोइराला, मिना बास्तोला, सम्झना आचार्य, अर्जुन बन्जरा र ईश्वरकुमार श्रेष्ठ चयन भएका छन् । सल्लाहकारमा पूर्व सभापति आनन्दराज मुल्मी, शुभाष तझ्या, माधवप्रसाद सिग्देल, दिनेशशंकर पालिखे र रामप्रसाद बस्ताकोटीलाई मनोनयन गरिएको छ भने यसस्कर सदस्यमा लेखतमान लाभाजु छन् ।

पूर्व सभापति एवं केन्द्रिय सदस्य दिनेशशंकर पालिखे लगायतका पूर्व सभापतिहरुको विशेष उपस्थितिमा बसेको पहिलो बैठकले संस्थागत विकाससँग सम्बन्धित विभिन्न महत्वपूर्ण निर्णयहरु गरेको संस्थाका सचिव डिल्लीप्रसाद शर्माले बताएका छन् ।

पदस्थापन समारोहमा पूर्व सभापतिहरुको तर्फबाट केन्द्रीय सदस्य तथा पूर्व सभापति दिनेशशंकर पालिखे, सुभाष तझ्या, माधवप्रसाद सिग्देल र रामप्रसाद बस्तोकाटीले आआफ्नो तर्फबाट शुभकामना मन्तव्य राखेका थिए । निवर्तमान सभापति रामचन्द्र थापाले माइन्युट तथा शाखाका महत्वपूर्ण दस्तावेजहरु नवनिर्वाचित सभापति प्रेमबहादुर भुजेललाई हस्तान्तरण गरेका छन् ।