हेमजा । बाग्लुङ जैमिनी–५, विनामारेकी इन्दिरादेवी शर्मा आचार्य केही वर्षअघि पोखरा झरिन् । पस्र्याङ बसेर व्यवसाय गर्ने सोच बनाइन् । रकम अभाव थियो । त्यसैले केही वर्ष त्यसै बित्यो ।
यत्तिकैमा स्थानीय आमा समूहले आर्थिक समृद्घिको लक्ष्य राख्दै सहकारी खोल्ने छलफल चलायो । छलफलमा इन्दिरा पनि सहभागी भइन् । आमा समूहले बहुउद्देश्यीय महिला सहकारी खोल्ने निर्णय ग¥यो । फलस्वरुप २०७५ साउनमा पोखरा महानगरपालिकामा संस्था दर्ताका लागि निवेदन दिए । २०७६ बैशाख ४ मा ‘धारापानी महिला बहुउद्देश्यीय सहकारी संस्था’ दर्ता भयो ।
संस्था स्थायित्वका लागि मासिक बचत नियम बनाइयो । क्षमता अनुसार १० देखि २० हजारसम्म शेयर रकम पनि उठाइयो । प्रारम्भिक साधारणसभा सम्पन्न भयो ।
निकै मिहिनेतपूर्वक स्थापित सहकारी नै पछिल्लो समय इन्दिराको व्यवसाय गर्ने माध्यम बन्न पुग्यो। उनले सूपथ व्याजदरमा ६ लाख रुपैयाँ ऋण लिइन् । र, किराना पसल खोलिन् । किरानामा तरकारी र मासु पनि बेच्न थालिन् । तिनै इन्दिरालाई आफ्नो पसलमा यतिखेर भ्याइनभ्याई भएको छ ।
इन्दिरा एक प्रतिनिधिपात्र मात्रै हुन् । सहकारीमार्फत कर्जा लिई स्थानीय चन्द्रा गैरेले पानी व्यवसाय र सरिता सुनारले कस्मेटिक पसल संचालन गरेका छन् । त्यस्तै अन्य दिदीबहिनी आ–आफ्नो सीप र क्षमता अनुसार व्यवसाय संचालनको सोचमा छन्।
सहकारीमा हालसम्म १ सय ३३ जना शेयर सदस्य आवद्घ छन् । उनीहरुले गक्ष्य अनुसार २५ हजारदेखि १ लाख २५ हजारसम्म शेयर लगानी गरेका छन् । एक करोड हाराहारी सहकारीको शेयर पँुजी पुगेको छ । त्यसका साथै उक्त सहकारीले मन्टेसरी समेत स्थापना गरेको छ।
शिक्षा क्षेत्रमा लगानी गर्ने उद्देश्यअनुरुप मन्टेसरी स्थापना गरेको सहकारी अध्यक्ष राधिका आचार्यले जनाइन् । करिब २ रोपनी जग्गा भाडामा लिई नौकोठे भवन निर्माण गरिएको छ । जसबाट पूर्ण बालमैत्री वातावरणमा पूर्वप्राथमिक तहको शिक्षा दिने सहकारीको योजना छ।
सो क्षेत्रमा मन्टेसरी अभाव महसुस गरी संस्था स्थापना गरिएको मन्टेश्वरी व्यवस्थापन समिति अध्यक्ष कल्पना बास्तोलाले जनाइन् । ‘नाफामूलकभन्दा सेवामूलक भावनासाथ मन्टेश्वरी स्थापना गरेका छौं, न्यूनतम शुल्कमा गुणस्तरीय शिक्षा दिन्छौं,’ उनले भनिन् ।
मन्टेश्वरी स्थापनाका लागि सहकारीले हालसम्म ३५ लाख बढी लगानी गरेको जनाएको छ । त्यहाँ हाल ११ जना बालबालिका अध्ययन गर्दछन् । दिन विभाजन गरी दैनिक २ देखि ३ जना बालबालिकालाई पठनपाठन हुने गरेको छ । कोरोना भाइरसको विषम परिस्थितिमा आफूहरुले स्वास्थ्यको मापदण्ड पूर्ण पालना गरी मन्टेसरी संचालन गरिरहेको सचिव गीतादेवी पौडेलले बताइन्।
सहकारीले शिक्षा क्षेत्रमा अलवालगत्तै अध्ययन गरी कृषि क्षेत्रमा लगानी गर्ने र केही वर्षको अन्तरालमा साना तथा मझौला उद्योगको क्षेत्रमा पनि लगानी गर्ने जनाएको छ । कृषिका लागि आवश्यक जग्गाको खोजी पनि गरिएको छ ।
त्यस्तै, व्यवसाय गर्नेहरुलाई अझ सहुलियत व्याजदरमा कर्जा प्रवाह गर्ने तयारी पनि सहकारीको छ । हालको पोखरा ४, ५ र १८ वडाको कार्यक्षेत्रलाई बढाइ जिल्लाभर बनाउने योजना सहकारीले लिएको छ । स्थापनाको २ वर्ष अन्तरालमा सहकारीले केही मुनाफा समेत दिन सफल भएको छ ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१