पोखरा, २२ कात्तिक । कोरोना भाइरस (कोभिड–१९) संक्रमणका कारण गण्डकी प्रदेशमा थप ३ जनाको मृत्यु भएको छ । तीमध्ये पोखराकी एक जना युवती छन् ।
गण्डकी प्रदेश स्वास्थ्य निर्देशनालयका निर्देशक एवं गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोदविन्दु शर्माका अनुसार यो सहित प्रदेशमा कुल मृत्यु हुनेको संख्या १ सय ३ पुगेको छ ।
मृत्यु हुनेमा पोखरा २७ की २९ वर्षीया युवती हुन् । उनको पोखराको चरक मेमोरियल अस्पतालमा शुक्रबार दिउँसो साढे २ बजे मृत्यु भएको हो । उनलाई गत कात्तिक १६ मा कोरोना पुष्टि भएको थियो ।
यस्तै, स्याङ्जा पुतलीबजार ८ का ७३ वर्षीया महिलाको पनि कोरोनाबाटै ज्यान गयो । उनको शनिबार पोखराको फेवासिटी अस्पतालमा उपचारक्रममा मृत्यु भएको प्रदेश स्वास्थ्य निर्देशनालयले जनाएको छ । गत कात्तिक १९ मा कोरोना पुष्टि भएकी ती महिलामा उच्च रक्तचाप समस्या समेत थियो ।
नवलपुर जिल्लाको गैडाकोट १२ का ८२ वर्षीय पुरुषको चितवन मेडिकल कलेजमा उपचार क्रममा शुक्रबार नै मृत्यु भएको छ । कात्तिक ३ मा आन्द्रामा समस्या भई अस्पताल भर्ना भएका ती वृद्धलाई उपचारक्रममा कात्तिक १८मा कोरोना संक्रमण देखिएको थियो ।
गण्डकीमा थप २ सय ७८ जना कोरोना सङ्क्रमित थपिए
यस्तै गएको २४ घण्टामा गण्डकीमा थप २ सय ७८ जना कोरोना सङ्क्रमित थपिएका छन् । प्रदेशमा कूल सङ्क्रमितको संख्या ९ हजार १७ पुगेको छ । तीमध्ये सक्रिय संक्रमित ४ हजार ६२ जना छन् ।
सो अवधिमा १७ जना निको भए । प्रदेशमा हालसम्म निको हुनेको संख्या ४ हजार ८ सय ५२ पुगेको छ । गएको २४ घण्टामा ९ सय ३८ जनाको पीसीआर परीक्षण भएको जनाइएको छ ।
Related News
सम्बन्धित समाचार
अधिकारी सरकारको वैधानिकताको टुंगो आज
पोखरा विश्वविद्यालय शिक्षण अस्पताल उद्घाटन
दमौली आगलागी अपडेट : क्षतिको विवरण संकलन गरिँदै
प्रधानमन्त्री प्रचण्डलाई चाैथोपटक विश्वासको मत
प्रधानमन्त्री दाहालले आज चाैथोपटक विश्वासको मत लिँदै
hero news full width
मुख्य समाचार
दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
एकातिर खोला, अर्कैतिर पुल
जेठ ६, २०८१ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१