पोखरा । पोखरा ७ फिर्केखोलामा सोमबार नवजात शिशुको शव फेला परेको छ ।

बिहान ९ बजे स्थानीयले नवजात शिशु (शिशु) का शव देखेपछि प्रहरीलाई खबर गरेका थिए ।

घटनाबारे अनुसन्धान अगाडि बढाइएको प्रहरीले जनाएको छ ।

त्यस्तै, पोखरा–१८ सेदीबगरमा एक युवक मृत फेला परेका छन् ।

सेदीबगरको स्टाफ खाजाघरको बरण्डामा सोमबार बिहान ६ बजे सिन्धुली दुधौली घर भइ हाल पोखरा–१८ भकुण्डे बस्ने २५ वर्षीय गुञ्जबहादुर सार्की मृत फेला परेका हुन् । सार्कीले त्यस क्षेत्रमा मजदुरी गर्दै आउने गरेको बताइएको छ ।

सो घटनाबारे अनुसन्धान अगाडि बढाइएको प्रहरीले जनाएको छ ।