पाेखरा, १५ भदाै ।
गण्डकीमा साेमबार थप ७ संक्रमित थपिएका छन् । पाेखराकाे फेवासिटी अस्पतालमा उपचाररत एक महिला सहित गण्डकीमा  ७ जना काेराेना संक्रमित थपिएका हुन् ।

कास्कीका ३, गाेरखाका दुई, लमजुङ र तनहुँका १/१ जनामा काेराेना पुष्टि भएकाे हाे । पाेखरा वडा नम्बर ६ का ३७ बर्षीय पुरुष, ८ का ५५ बर्षीय पुरुष र १५ का ५६ बर्षीय पुरुषमा काेराेना संक्रमण पुष्टि भएको छ ।

हालसम्म गण्डकी प्रदेशमा कोरोना संक्रमितको संख्या २ हजार १ सय ४४ पुगेको छ । गाेरखामा निषेधाज्ञा हटाईएकाे दिनमै आईतबार १२ जनमा संक्रमण देखिएकाे थियाे ।