पोखरा, १४ भदौ । सरकारी छाप किर्ते मुद्धामा फरार प्रतिवादीलाई कास्की प्रहरीले पक्राउ गरेको छ । जिल्ला अदालत कास्कीले २०७५ बैशाख २ गते सरकारी छाप किर्ते गरेको ठहर गर्दै एक वर्ष कैद सजाय तोकेको थियो ।

पक्राउ पर्नेमा पर्वत मोदी गाउँपालिकाका ३७ वर्षीय निर्दाेष गिरी, पोखरा–३३ का २४ वर्षीय ऋषिराम गिरी र पोखरा–२ का २२ वर्षीय असिम भण्डारी रहेका छन् । तिनै जनालाई छुट्टाछुट्टालाई स्थानबाट पक्राउ गरिएको जिल्ला प्रहरी कार्यालय कास्कीका सुच्ना अधिकारी प्रहरी नायव उपरीक्षक सुवास हमालले जानकारी दिए ।