खैरेनीटार, १६ असार । शुक्लागण्डकी नगरपालिका ६, खैरेनीटार, तनहुँको आर्थिक वर्ष २०७७/०७८ को योजना तर्जुमा सम्बन्धी अन्तरक्रिया कार्यक्रम सम्पन्न भएको छ ।

कार्यक्रममा शुक्लागण्डकी नगरपालिका वडा नंं ६ का वडा अध्यक्ष कृष्णबहादुर पौडेलले पूर्वाधार, आर्थिक, सामाजिक विकास लगायतका जनतालाई आवश्यक पर्ने योजनाहरुलाई प्राथमिकता दिईने वताए । कार्यक्रममा नेपका शुक्लागण्डकी नगर कमिटीका अध्यक्ष मुक्तिनाथ तिम्सिनाले वडाले गौरवको योजना वनाउन सुझाब दिए । उनले कृषिलाई यान्त्रिकरण गरिनुपर्ने पनि बताए ।

कार्यक्रममा खैरेनीटार साना शहरी खानेपानी उपभोक्ता संस्थाका अध्यक्ष रामचन्द्र उपाध्यायले भूउपयोग नीतिको आधारमा कृषि क्षेत्र निर्धारणमा जोड दिए ।कार्यक्रममा नेपाली कांग्रेसका रेशमलाल पौडेलले बजेट व्यवस्थित तरिकाले बिनियोजनमा जोड दिए ।

कार्यक्रममा सर्बदा खनाल घिमिरे, श्रीराम सुवेदी, पुरुषोत्तम लामिछाने, श्रीराम अधिकारी, हरिराज घिमिरे, पदमराज बराल, जयबहादुर थापा, कमल मोहन घिमिरे, महेन्द्रराज घिमिरे, अमर थापा लगायतले वोलेका थिए ।शुक्लागण्डकी नगरपालिका वडा नं. ६ को लागि यस आर्थिक वर्षमा नगरपालिकाले ८८ लाख बजेट बिनियोजन गरेको जनाईएको छ ।शुक्लागण्डकी नगरपालिका वडा नं. ६ का वडा अध्यक्ष कृष्ण बहादुर पौडेलको अध्यक्षता रहेको कार्यक्रमको सञ्चालन स्वागत वडा सदस्य बुद्धि बहादुर थापाले गरेका थिए ।