काठमाण्डौ, १० असार । पछिल्लो २४ घण्टामा नेपालमा ६२९ थप जनामा कोरोना संक्रमित थपिएका छन् ।

बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मनत्रालयका प्रवक्ता डा. जागेश्वर गौतमले थप जनामा कोरोना पुष्टि भएको जनाएका छन् । पछिल्लो २४ घण्टामा ६८२८ आरटीपीसीआर परीक्षण गरिएकोमा ६२९ जनामा कोरोना पुष्टि भएको हो।

योसँगै नेपालमा कोरोना संक्रमितको संख्या १०७२८ पुगेको छ। त्यस्तै पछिलो २४ घण्टामा ८ महिला १०६ गरी ११४ जना उपचारपछि निको भएर डिस्चार्ज भएका छन्। योसँगै नेपालमा उपचारपछि १९७ र २ हजार १४१ गरी २ हजार ३३८ जना निको भएर घर फर्किसकेका छन्। कोरोना भाइरसकै कारण नेपालमा २४ जनाले ज्यान गुमाएका छन् ।