हेमजा, ३० जेठ ।पोखरा–२५, हेमजा, लामाचौतारा स्थित सफल कृपा बचत तथा ऋण सहकारी संस्थाले शेयर सदस्यलाई प्राथमिक स्वास्थ्य सामग्री वितरण गरेको छ।

हाल विश्व महामारीको रुपमा फैलिरहेको कोरोना भाइरस(कोविड १९)को संक्रमण न्यूनीकरणका लागि भन्दै सहकारीले सेनिटाइजर, सावुन र माक्र्स वितरण गरेको हो ।उक्त कार्यमा संस्थाका अध्यक्ष धनबहादुर थापा, लेखा संयोजक गणेशबहादुर थापा, व्यवस्थापक सूर्यकुमार श्रेष्ठ लगायत खटिएका थिए।

संस्थाले सामाजिक उत्तरदायित्व बहन गर्दै सामग्री वितरण गरेको व्यवस्थापक श्रेष्ठले बताए।जुन शुक्रवार बिहान साढे सात बजेदेखि १० बजेसम्म कार्यालय हातामा भएको थियो। त्यस्तै संस्थाले सामाजिक दुरीलाई ख्याल गर्दै अत्यावश्यक स्वास्थ्य सामग्री प्रयोग गरी आफ्नो दैनिक कार्यसंचालन गर्न पनि शेयर सदस्यमा अनुरोध गरेको छ ।त्यस्तै सामग्री लान छुटेका शेयर सदस्यलाई कार्यालय खुल्दाको समयमा सम्पर्क गर्न पनि आग्रह गरिएको छ।