गल्याङ, २५ जेठ । श्रीमतीलाई खाना पकाउनू भनेर हिडेका गल्याङ नगरपालिका स्वास्थ्य शाखा प्रमुख लीला भण्डारी मृत भेटिएका छन् । गल्याङ वडा २, बटुवाका ४६ वर्षीय भण्डारी आइतबार साँझ ५ बजे घर नजिकै एक रुखमा नाम्लोले पासो लगाएको अवस्थामा मृत भेटिएका हुन् ।

वालिङ प्रहरी चौकीका इञ्चार्ज प्रहरी निरीक्षक नीरञ्जन घिमिरेले भण्डारीले आत्महत्या गरेको हुन सक्ने बताए । उनका अनुसार शव पोष्टमार्टमका लागि वालिङ प्राथमिक स्वास्थ्य चौकी राखिएको जनाएको छ ।

भण्डारी आइतबार बिहान ८ बजेतिर श्रीमतीलाई खाना पकाउनू म अहिले आउँछु भन्दै घरबाट निस्केको परिवारस्रोतले जनायो । दिनभर घर नफर्केपछि र मोवाइलमा समेत सम्पर्क हुन नसकेपछि परिवारजनले खोजी थालेका थिए । अंकललाई खोज्न जानुप¥यो भनी अभिषेक र अपिल निस्केकोमा उनीहरुले घरभन्दा ५ सय मिटर उत्तरपूर्व दबदबेको रुपमा नाम्लो पासो लगाएको अवस्थामा देखेपछि प्रहरीलाई खबर गरेका थिए ।

परिवारस्रोतका अनुसार भण्डारी केही समयदेखि तनावमा थिए । उनले अब अबकाश लिएर बस्छु भनी पटक पटक भन्दै आएका थिए ।
कोरोना भाइरस (कोभिड–१९) रोकथामका स्वास्थ्य क्षेत्रमा कार्यरत कर्मचारीको यतिखेर उच्च महत्व छ । स्याङ्जाको वालिङमा हालसम्म २ जना कोरोना संक्रमित भेटिएका छन् ।