काठमाण्डौ, १४ जेठ । नेपालमा बुधवार अहिलेसम्मकै बढी कोरोना संक्रमित देखिएका छन्। बुधबार स्वास्थ्य तथा जनसंख्या मन्त्रालयको नियमित प्रेस व्रिफिङमा मन्त्रालयका प्रवक्ता डा. विकास देवकोटाले पछिल्लो २४ घण्टामा ११४ जनामा कोरोना संक्रमण पुष्टि भएको बताए।

यो अहिलेसम्मकै संक्रमितको संख्यामध्ये सबैभन्दा उच्च हो। यसअघि मंगलबार ९० जनामा संक्रमण पुष्टि भएको थियो। योसँगै नेपालमा कुल संक्रमितको संख्या ८८६ पुगेको छ। कोरोना संक्रमणबाट ४ जनाको मृत्यु भइसकेको छ ।